ԱՄՆ-ում գաղտնազերծել են Ջոն Քենեդիի սպանության մասին փաստաթղթերը

ԱՄՆ-ի ազգային արխիվը նախագահ Ջոն Քենեդիի սպանության մասին գործի հետաքննությանն առնչվող փաստաթղթերի նոր խմբաքանակ է հրապարակել:

Ինչպես հաղորդում է «ՌԻԱ Նովոստի»-ն, կատարվածի հանգամանքները պարզելու համար, ըստ արխիվային փաստաթղթերի, ստուգվել են կոմունիստների և լիբերալների մասին տվյալները:

Ամենահին փաստաթուղթը թվագրվում է 1941 թվականի հոկտեմբերի 11-ին: Դրանում ասվում է ամերիկացի միջազգայնագետ Էդվարդ Քարթերի՝ Լոս Անջելես կատարած ուղևորության մասին, որտեղ նախատեսվում էր քննարկել օգնությունը Ռուսաստանի հարցով հանձնաժողովին, որն ստեղծվել էր մեկ տարի առաջ: Հանդիպումը կազմակերպել խորհուրդ էր տվել Հերբերտ Բիբերմանը, որ 1938 թվականին մասնակցել էր նացիզմի դեմ հոլիվուդյան լիգայի աշխատանքներին: 1940 թվականի սեպտեմբերին նրան անվանում էին կոմունիստական ճակատի կողմնակցի:

ԱՄՆ-ի 35-րդ նախագահ Ջոն Քենեդին սպանվել է 1963 թվականի նոյեմբերի 22-ին, երբ բաց տանիքով լիմուզինով նախընտրական երթ էր կատարում Տեխաս նահանգի Դալաս քաղաքի փողոցներից մեկով: Նրան մահացու վիրավորում էր հասցրել դիպուկահարի կրակոցը: Կոնգրեսի ստեղծած հանձնաժողովը պարզել էր, որ Քենեդիի սպանողը նախկին նավաստի Լի Հարվի Օսվալդն է եղել:

Օսվալդին կրակել էին ձերբակալումից երկու օր անց: Նրանց սպանել էր գիշերային ակումբի սեփականատեր Ջեք Ռուբին, որն էլ մահացել է երեք տարի անց թոքերի քաղցկեղից: