Գիտնականները նշել են, թե մինչև երբ վտանգավոր կլինի կորոնավիրուսը

Բրիտանացի գիտնականները, Scientific Advisory Group for Emergencies (SAGE) մասնագետները որոշել են կորոնավիրուսի համաճարակի ժամանակացույցը։ Նրանց կարծիքով՝ COVID-19-ը վտանգավոր կլինի առնվազն մինչև 2026 թվականը։ Նրանք իրենց բացահայտումները ներկայացրել են կազմակերպության պաշտոնական կայքում հրապարակված հայտարարության մեջ, հաղորդում է Lenta.ru-ն։

«SARS-CoV-2-ը կշարունակի վտանգ ներկայացնել առողջապահական համակարգի համար և կպահանջի պատվաստումների և տվյալների մոնիտորինգի միջոցով ակտիվ հսկողություն առնվազն առաջիկա հինգ տարիների ընթացքում», - ասվում է հաղորդագրության մեջ:

Միևնույն ժամանակ, փորձագետներն ընդգծում են, որ այդ ժամկետները կարող են աճել այն դեպքում, եթե պատվաստումների, համաճարակաբանական հսկողության և վարակի տարածման գլոբալ զսպման միջոցառումները բավարար արդյունավետ չլինեն։

Հայտարարության մեջ նշվում է նաև, որ 5-10 տարվա ընթացքում շատ հավանական է, որ անհրաժեշտ լինի պահպանել կոլեկտիվ իմունիտետը պատվաստանյութերի և խթանիչների միջոցով, ինչպես նաև կիրառել այլ միջոցներ (թեստավորում, օդափոխություն, հիվանդների մեկուսացում և այլն)` հիվանդության տարածումը վերահսկելու համար:

Գիտնականները նաև նշել են, որ Մեծ Բրիտանիայում, եվրոպական այլ երկրների համեմատությամբ, COVID-19-ով հիվանդացության հետ կապված իրավիճակը կայունացել է երկրի բնակչության պատվաստումների շնորհիվ։