Ոսկու գները չափավոր աճում են

Ոսկու արժեքը՝ որպես հակագնաճային ակտիվ, երեքշաբթի առավոտյան աճում է՝ ԱՄՆ-ում մանրածախ գների հետագա աճի նախանշանների ակնկալիքով։ Այս մասին վկայում են սակարկությունների տվյալները։

Նյու Յորքի Comex բորսայում ոսկու դեկտեմբերյան ֆյուչերսների արժեքն աճում է 0,13%-ով կամ 2,45 դոլարով՝ հասնելով 1869,2 դոլարի մեկ տրոյական ունցիայի դիմաց։ Արծաթի դեկտեմբերյան ֆյուչերսների արժեքն աճել է 0,37%-ով եւ կազմել 25,198 դոլար մեկ ունցիայի դիմաց:

Երեքշաբթի առավոտյան ոսկին թանկանում է՝ ԱՄՆ-ում գնաճի արագացման նշանների ակնկալիքով, որն արդեն հոկտեմբերին գերազանցել է 6%-ը, ինչը առավելագույնն էր վերջին 30 տարվա ընթացքում։