«ԱՌԵՎՏՐԻ ԿԱՄՈՒՐՋՆԵՐ» համատեղ նախագծի հիմնական նպատակներն են հանդիսանում Եվրոպական միության գործընկեր չորս երկրների գյուղատնտեսության և այդ ոլորտի հետ առնչվող արտադրողների և սպառողների միջև առկա պատնեշների նվազեցումը, առևտրի կամուրջների ցանցի զարգացումը

2021թ. նոյեմբերի 5-ին ժամը 10։00-ին «RADISSON BLU HOTEL, YEREVAN» հյուրանոցի կոնֆերանս դահլիճում ՝ ք․ Երևան, Ազատության պող., 2/2 շենք հասցեով, կմեկնարկի Հայաստանում ՓՄՁ-ների հավաքագրման տեղական համաժողովը՝ «ԱՌԵՎՏՐԻ ԿԱՄՈՒՐՋՆԵՐ» նախագծի շրջանակներում, որը անցկացվում է Սևծովյան ավազանի համատեղ գործառնական ծրագրի շրջանակներում։

 Կազմակերպիչներն են Հայաստանի Հանրապետության առևտրաարդյունաբերական պալատը  և «Իվենթսենթր» ընկերությունը:

«ԱՌԵՎՏՐԱՅԻՆ ԿԱՄՈՒՐՋՆԵՐ» համատեղ նախագծի հիմնական նպատակներն են հանդիսանում ԵՄ գործընկեր չորս երկրների գյուղատնտեսության և այդ ոլորտի հետ առնչվող արտադրողների և սպառողների միջև առկա պատնեշների նվազեցումը, ԱՌԵՎՏՐԻ ԿԱՄՈՒՐՋՆԵՐԻ ՑԱՆՑԻ զարգացումը, ՓՄՁ վերապատրաստումների իրականացումը, «BRIDGES» միջոցառումների կազմակերպումը և արդյունքում՝  նոր առևտրային կապերի ստեղծումը և զարգացումը:  

Ծրագիրն առավել արդյունավետ իրականացնելու նպատակով նախապես անցկացվել են գյուղատնտեսական և հարակից ապրանքների միջազգային առևտրի հետազոտությունները, ինչպես նաև բացահայտվել են պոտենցիալ շահառու հանդիսացող ընկերությունները: Հետազոտությունները իրականացրել են այն ենթաոլորտների/ապրանքների բացահայտման նպատակով, որոնք կարող են նպաստել շահառու երկրների միջև բիզնես և առևտրային կապերի ամրապնդմանը:  

Ակնկալվում է, որ ծրագիրը մշտական ​​և շարունակական ազդեցություն կունենա գյուղատնտեսության և հարակից ոլորտների վրա, ինչպես նաև կընդլայնի արդեն հաստատված առևտրային կապերը:

Հաշվի առնելով Եվրոմիության կողմից իրականացված բազմաթիվ նմանատիպ նախագծերը, վերոհիշյալ ծրագրի խնդիրների լուծման և դրական արդյունքներ ստանալու նպատակով կազմակերպվում է Հայաստանի Հանրապետության գյուղատնտեսության և հարակից ոլորտների  Փոքր և Միջին Ձեռնարկությունների հավաքագրման համաժողով։ Նախապես անցկացվել են ուսումնասիրություններ այդ ոլորտի հավանական շահառուներին ծրագրում ներառելու նպատակով։ Համաժողովի ընթացքում մանրամասն կներկայացվեն և կբացատրվեն ծրագրի բնույթը, բովանդակությունը և անցկացման ընթացակարգերը, ինչպես նաև իրագործման եղանակները և ակնկալվող արդյունքները։ Մասնակիցների կողմից լրացված հարցաթերթիկների վերլուծության արդյունքում, առավելագույնը 10-օրյա ժամկետում կընտրվեն ծրագրի վերջնական շահառուները։ Ընտրության ողջ գործընթացը կանցկացվի բացառապես պարզ և թափանցիկ պայմաններում, բոլոր մասնակից ՓՄՁ-ները գրավոր կերպով կտեղեկացվեն արդյունքների վերաբերյալ։

Ծրագրի հաջորդ փուլերում կկազմակերպվեն վերապատրաստման դասընթացներ,  «BRIDGES» միջոցառում Հայաստանում, ինչպես նաև կկազմակերպվի հայկական կողմից ընտրված ՓՄՁ-ների մասնակցությունը երկօրյա «BRIDGES» միջոցառումներին գործընկերներ երկրներում (Հունաստան, Մոլդովա, Ռումինիա)՝ յուրաքանչյուր երկիր կմեկնի 6 գնորդ Հայաստանից։

Նման միջոցառումները նպաստում են տարածաշրջանների գործարարների միջև արտադրական և առևտրային ուղղակի փոխշահավետ համագործակցության հաստատմանը:

 

Առավել մանրամասն տեղեկությունների համար կարող եք այցելել www.bridgesoftrade.net կայք:

 

Գրանցվելու համար խնդրում ենք ուղարկել Ձեր ընկերությունը ներկայացնող մասնակիցների տվյալները (ընկերության անվանում, մասնակցի պաշտոն, անուն, ազգանուն, կոնտակտային հեռախոսահամար) [email protected] էլեկտրոնային հասցեին կամ զանգահարել 010 350111; 099 350111։

Մուտքը ազատ է։

Ընդհանուր սահմաններ: Ընդհանուր լուծումներ։