Ինչպես ճիշտ քսել կրեմ դեմքին, աչքերի շուրջը և պարանոցին

Կոսմետիկ միջոցները քսելիս անզգույշ կամ հապշտապ շարժումները ձգում են մաշկը, ինչը հետագայում հանգեցնում է թորշման և դեմքին ու պարանոցի շրջանում կնճիռների առաջացման:

Այդ իսկ պատճառով, թանկագին կանայք, սիրեք ձեր մաշկը և խնամքով վերաբերվեք դրան, քանի որ միայն այդ դեպքում այն երկար տարիներ կտահպանի իր փայլն ու գեղեցկությունը: Հիշեք, որ դեմքին կրեմ քսելը դա հատուկ արարողակարգ է, որը շատ չի խլի ձեր ազատ ժամանակից: Արարողակարգից առաջ լվացվեք գոլ ջրով կամ մաշկը մաքրեք հատուկ հեղուկներով և հարմարավետ տեղավորվեք հայելու առջև: Եկել է կրեմը քսելու ժամը:

Ինչպես ճիշտ քսել կրեմը դեմքին

Դեմքի մաշկին կրեմը պետք է քսել նուրբ շարժումներով՝ մատների ծայրերով: Աշխատեք ձգվող մաշկի վրա կատարել թեթև հարվածող շարժումներ: Մատների ծայրերով կրեմ քսելու առավելությունը լրացուցիչ տաքացնելն է, ինչի արդյունքում արդյունավետ բաղադրիչները արագ են ներթափանցում մաշկի մեջ:

Թեթև մեսող շարժումները պետք է ուղղված լինեն ներքևից դեպի վեր, կենտրոնից դեպի կողքերը: Այսինքն` ունքերի սկզբից` մազերի աճման ուղղությամբ, կթի ծայրից դեպի աչքերի միջև ընկած հատված, քթի թևիկներից դեպի այտոսկրերի շրջակայք և կզակից դեպի այտեր:

Ճակատին կրեմ քսելիս հարկ է կատարել նուրբ հորիզոնական շոյանքներ ճակատի կենրոնից դեպի քունքերի շրջանը:
Կրեմի ազդեցությամբ զուգակցված այդպիսի հոգատար մերսումը մաշկին հնարավորություն կտա երկար տարիներ մնալ շողացող և երիտասարդ:

Ինչպես ճիշտ քսել կրեմ աչքերի շրջանում

Ամենանուրբ մաշկը գտնվում է աչքերի շրջանում, այդ իսկ պատճառով կրեմն այս հատվածում անհրաժեշտ է քսել առանձնահատուկ խնամքով: Որպես կոսմետիկ միջոց կարելի է ընտրել խոնավացնող կամ մաշկը սնուցող կրեմ:

Կրեմը պետք է քսել աչքի արտաքին անկյունից դեպի ներքին ուղղությամբ, այնուհետև վերին թաթիչի շրջանում և կրկին` դեպի աչքի արտաքին անկյուն: Ձեր շարժումները պետք է լինեն թեթև կամ նուրբ հարվածներով: Ոչ մի դեպքում չի կարելի ձգել աչքի հատվածի մաշկը, քանի որ դա հանգեցնում է միմիկական կնճիռների առաջացման:

Կրեմի շրջանաձև քսելու շնորհիվ մանր կնճիռները հարթվում են, իսկ նուրբ մաշկը թուլանում և հանգստանում է: Աչքերի շուրջ կրեմը քսում են անանուն մատով, ինչի հաշվին մաշկի վրա նվազագույն ճնշում է գործադրվում:

Կրեմի ճիշտ քսելու եղանակը պարանոցին

Կրեմ քսելիս շատ կանայք հանիրավի մոռանում են պարանոցի մասին, որը նույնպես, ինչպես և դեմքը, ունի խոնավացման ու խնամքի կարիք: Որպեսզի ձեր պարանոցը երկար տարիներ մնա հմայիչ, մի մոռացեք դեմքի ու պարանոցի համար նախատեսված վարժություններ կատարել, ինչպես նաև կրեմ քսել՝ ըստ մերսման գծերի: Այս շրջանում կոսմետիկ միջոցները հարկ է քսել ներքևից վերև:

LADYNEWS.am