Կոկտեյլ «Արյունոտ Մերի». ինչպե՞ս է այն ստացել իր անունը և ո՞րն է ճիշտ բաղադրատոմսը. «Փաստ»

«Փաստ» օրաթերթը գրում է

Ամենահայտնի ալկոհոլային կոկտեյլներից մեկը, որի բաղադրատոմսը այնքան պարզ է, որ յուրաքանչյուր ոք կարող է այն պատրաստել, կոչվում է «Արյունոտ Մերի»: Դրա հիմնական բաղադրիչներն են օղին և, իհարկե, արյունոտ անունը արդարացնող հիմնական բաղադրիչը՝ տոմատի հյութը: «Արյունոտ Մերի» կոկտեյլի բաղադրատոմսի շատ տարատեսակներ կան, սակայն դասականն այն բաղադրությունն է, որը ներառում է 2/3 մաս տոմատի հյութ, 1/3 մաս օղի, կիտրոնի հյութ, աղ, տաբասկո սոուս և պղպեղ: Իհարկե, այս կոկտեյլի սիրահարներն ու գիտակները հավատում են, որ այլ բաղադրիչներ ևս կարող են լրացուցիչ ավելացվել, բայց դա ըստ նախասիրությունների է: Խմիչքն ինքնին դրանից միայն ավելի յուրահատուկ է դառնում, չնայած իմաստ չունի նրա համը չափազանց ծանրաբեռնել այլ բաղադրիչներով:

«Արյունոտ Մերի» կոկտեյլի ստեղծման պատմությունը սկսվել է 20-րդ դարի 20-ականներից: Հենց այդ ժամանակ էր ֆրանսիացի բարմեն Ֆերնան Պետիոն առաջին անգամ բարի այցելուների համար նման անսովոր խմիչք մատուցում: Դա տեղի է ունեցել դեռ 1921 թվականին, բայց կոկտեյլը չի գնահատվել: Եվ միայն 1934 թվականին է ըմպելիքը դարձել շատ սիրված՝ շնորհիվ Ֆերնան Պետիոնի՝ Նյու Յորք տեղափոխվելու հետ: Այն ժամանակ՝ Մեծ դեպրեսիայի ժամանակ, «Արյունոտ Մերին» ամենից հաճախ պատվիրվող կոկտեյլներից մեկն էր իր անսովոր համի և էժան գնի պատճառով և շատ տարածված էր Նյու Յորքի բարերի այցելուների շրջանում: Հետո ժամանակի ընթացքում կոկտեյլը տարածվել է ամբողջ աշխարհում:

«Արյունոտ Մերի» անվանման պատմության մի քանի վարկածներ կան, բայց դրանց հավաստիության հաստատում չկա: Նրանցից մեկն ասում է, որ այն կրել է անգլիական թագուհի Մերի Թյուդորի անունը, ըստ մյուսի՝ դա մի սովորական աղջկա՝ Մերիի անունով է, որը հաճախ էր այցելում բարեր: Քանի որ ոմանք չեն ցանկանում ընդունել, որ հենց ֆրանսիացիներն են հորինել «Արյունոտ Մերին», և քանի որ օղին համարվում է ավանդական ռուսական ալկոհոլային ըմպելիք, հանրահայտ է նաև ռուս գեներալ Բարոլովսկու պատմությունը, որը փորձել է լոլիկից գինի պատրաստել և պատահաբար օղու շիշն է գցել լոլիկի հյութի մեջ: Որոշելով փորձել ստացված ըմպելիքը՝ գեներալը չի զղջացել դրա համար: Եվ, ըստ ռուսական վարկածի, հենց այդպես էլ հայտնվել է «Արյունոտ Մերի» կոկտեյլը, որն իր անունը ստացել է օգտագործված լոլիկի տես ա կի անու նից: Այ նու ա մ ե նայ ն ի վ , կրկնենք, որ «Արյունոտ Մերի» անվանման այս կամ այն պատմությունը հաստատող փաստեր չկան: Չնայած դրան, ներկայումս աշխարհի ցանկացած բարում և սրճարանում բոլորը կարող են վայելել այդ կոկտեյլի համը:

Մանրամասները՝ «Փաստ» օրաթերթի այսօրվա համարում