Ինչպես ուղղել արտաքինի թերությունները

Shabat.am-ը գրում է.

Շատ կանայք, նայելով հայելուն, հայտնաբերում են մեծաթիվ թերություններ: Ինչ-որ մեկը գտնում է, որ ինքը շատ նիհար է, մյուսը` գեր, ոմանց մոտ բարակ շրթունքներ են, փոքր կուրծք կամ հակառակը՝ մեծ, երկար կամ գաճաճի քիթ և այլն: Սակայն եկեք հեռանանք հայելու մեջ մեր անդրադարձից և փորձենք խորհել, թե ինչպես կարելի է փոխել ստեղծված իրավիճակը և այն, ինչ մենք համարում ենք թերություն, դարձնենլ արժանիք:

Չափից շատ դիտելով գեղեցիկ ֆիլմեր` իրենց կատարյալ գլխավոր հերոսներով, կամ հիանալով փայլուն ամսագրերի գեղեցկուհիներով, մեզ մոտ առաջանում են բազմաթիվ բարդույթներ` կապված մեր արտաքինի առանձնահատկությունների հետ, որոնք սկսում ենք հանգամանալի քողարկել: Սեփական անձի նկատմամբ նման վերաբերմունքի հիմքում, անշուշտ, ընկած է վախը: Վախը, որ այդ առանձնահատկությունները խաչ կքաշեն մեր անձնական կյանքի վրա: Սակայն, ի ուրախություն մեզ, կան հնարավորություններ ներկայացնելու թերություններն այնպես, որ դրանք մեր կերպարին հաղորդեն որոշակի հմայք և, ընդհակառակը, իրենց վրա սևեռեն հակառակ սեռի ներկայացուցիչների ուշադրությունը, որոնք գնահատում են մեր յուրահատկությունն ու թեթև սեքսուալությունը:

Դեմքի թերություններ

Քթի երկարությունը

Քիթը գեղեցիկ դեմքի կարևոր մասերից է և, ըստ տեսություններից մեկի, հենց երկար քիթն է վկայում իր տիրոջ ուժեղ բնավորության մասին: Բազմաթիվ հայտնի կանայք ունեցել են երկար քիթ: Դրանց թվում Բարբարա Սթեյզենդն է` կին, ով համարվում է շոու-բիզնեսի կարկառուն ներկայացուցիչներից մեկը: Իսկ ահա Սառա Ջեսիկա Փարքերը, ընդհանրապես, շնորհիվ իր անսովոր արտաքինի, գրավել է պրոդյուսորների ուշադրությունը և դարձել հանրահայտ:

Սակայն, եթե քիթը ձեզ, այնուամենայնիվ, անհանգստացնում է, կերպարը սրբագրելք առավել համապատասխամ սանրվածքով: Երկար, գեղեցիկ քթով կանայք նախընտրում են թեք բացվածքներով սանրվածքներ: Կարելի է նաև դիմել արհեստավարժ դիմահարդարներին, ովքեր կպատմեն, թե ինչպես դիմահարդարման միջոցով տեսողականորեն կարճացնել քիթը:

Փոքրիկ աչքեր

Բոլորովին անմտություն է մտահոգվել դրա համար, քանի որ այդպիսի աչքերը կարող են դառնալ ձեզ առաձնահատուկ դարձնողը: Իսկ որպեսզի դրանք ընդգծվեն, դիմահարդարման ժամանակ պետք է բացառապես օգտագործել լուսավոր երանգներ, որոնք աչքերին թույլ կտան վառ տեսք ունենալ: Ընդհանուր ֆոնի համար ընտրեք մոխրագույնը, սրբագրեք ունքերը, որոնք շեշտադրում են աչքերը և, իհարկե, ճիշտ ընտրեք թարթիչների ներկը, որը լավ երկարացնում է դրանք, ձեր աչքերը դարձնում առավել նկատելի:

Մարմնի թերություններ

Մարմնեղ կառուցվածք

Զանգվածեղ կառուցվածք ունեցող կանայք ոսվորաբար ունենում են գեղեցիկ կուրծք, ինչը պետք է ընդամենը գեղեցիկ ընդգծել: Թմբլիկ կառուցվածքը լավագույնս քողարկում են թռչող վերնաշապիկները` պարտադիր խորը կտրվածքով, շրջազգեստները, բազմաշերտ կոստյումները` գեղեցիկ վզնոցով կամ թիկնոցով: Կարողացեք ձեզ ճիշտ մատուցել` հանգամանալի ընտրեք սանրվածքն ու դիմահարդարումը, կրեք գեղեցիկ, գերադասելի է խոշոր զարդեր, և այդ դեպքում ընդհանուր պատկերը ձեզ էլ դուր կգա:

Չափազանց բարձր հասակ

Բարձր հասակն առաջին հերթին հպարտանալու առիթ է և ոչ երբեք` թերություն. շատ տղամարդիկ պարզապես խելքահան են լինում բարձրահասակ կանանցից: Մոդելները, ովքեր ընդունվում են որպես գեղեցկության չափանիշներ, առանձնանում են իրենց բարձր հասակով: Նայեք գեղեցկության մրցույթները` դրանց մասնակցում են միայն բարձրահասակ, երկարաոտ գեղեցկուհիները: Բաձրահասակ կինը երբեք չի դառնա միջակություն և չի կորչի ամբոխի մեջ, նա միշտ առաջին գծում է, նրան առաջինն են նկատում, այդ իսկ պատճառով` սվորեք օգտվել դրանից: Հիշեք` բարձր հասակը շոշափելի արժանիք է իսկական լեդիի համար:

Փոքր կրծքեր

Կուրծքն, ինչ խոսք, կնոջ կազմվածքի ամենավառ արաժանիքներից մեկն է, որին, անտարակույս, սևեռված է տղամարդկանց ուշադրությունը: Սակայն տղամարդը կնոջը կարող է սիրել միայն ամբողջական և ոչ թե նրա մարմնի մի մասը միայն: Կրծքերի չափերի և գեղեցկության հնարավորություններն այսօր չափից դուրս գերագնահարված է և դա, առաջին հերթին, գովազդային նպատակներով. չէ՞ որ ժամանակակից տնտեսությունը կնոջն առաջարկում է կրծքերի մեծացման վիրահատություններ, հաբեր, սրսկումներ, կամ այլ արարողակարգեր: Սակայն մտածեք` արդյո՞ք մեծ կուրծք ունենալն այդքան կարևոր է, որպեսզի պառկեք դանակի տակ կամ ամենատարեր հաբեր կուլ տաք: Հավատացեք, եթե անգամ դուք չունենաք փարթամ կուրծք, միևնույն է, տղամարդիկ անտարբեր չեն լինի ձեր նկատմամբ: Փորձեք սիրել ձեզ այնպիսին, ինչպիսին կաք և հետաքրքրեք հակառակ սեռին ձեր արժքնիքներով և ոչ թե մարմնի արհեստականորեն ստեղծված մասերով:

Աղբյուր` LADYNEWS.am