Կաթնային կոկտեյլներ, որոնք դուր կգան ոչ միայն երեխաներին, այլ նաև մեծերին

Ջնարակապատ կաթնային կոկտեյլ

Պատրաստման համար անհրաժեշտ է.

• 3 բաժակ ելակ

• 2 բաժակ վանիլային պաղպաղակ

• 20 գ կարագ

• 100 գ շոկոլադ

• 5 թեյի գդալ մանրեցված կակաո

Պատրաստման եղանակը.

1. Միկրոալիքային վառարանում փափկեցնում ենք կարագը

2. Շոկոլադը մանրեցնում ենք  կարագի վրա և խառնում մինչև միասնական զանգվածը:

3. Ավելացնում ենք կակաո և խառնում:

4. Բլենդերում հարում ենք ելակն ու պաղպաղակը

5. Բաժակի մեջ լցնում ենք շոկոլադե զանգվածը և վրայից ավելացնում հարած պաղպաղակը

6. Մատուցելուց առաջ կարող եք զարդարել ելակով

Կոկտեյլ՝ կաթով և սուրճով

Պատրաստման համար անհրաժեշտ է.

• 50 մլ էսպրեսո

• 200 մլ կաթ

• Մեկ պտղունց վանիլային փոշի

• 8 սառույցի կտոր

• 70 գրամ պաղպաղակ

Պատրաստման եղանակը.

1. Միասին հարում ենք կաթը, շաքարավազը, պաղպաղակը և սուրճը:

2. Ավելացնում ենք սառույցը ևս մեկ անգամ հարում ենք:

3. Լցնում ենք ստացված կոկտեյլը բաժակների մեջ:

 

Կաթնային կոկտեյլ՝ համեմունքներով

• 1 բաժակ կաթ

• 0.5 թեյի գդալ մանրեցրած կոճապղպեղ

• Կայնեյան պղպեղ, մի փոքր (կարող եք վերցնել դանակի ծայրով)

• Սև թեյ՝ համային հավելումներով

• 1 ձողիկ դարչին

• 1 թեյի գդալ վանիլային փոշի

• 500 մլ վանիլային պաղպաղակ

Պատրաստման եղանակը.

1. Լցնում ենք կաթը տարայի մեջ և դնում կրակի վրա: Ավելացնում ենք կոճապղպեղը, պղպեղը, թեյի տոպրակները և դարչինը: Խառնում ենք, տաքացնում 5 րոպե, մինչև եռալը:

2. Հանում ենք կրակից և 5 րոպե անց հանում ենք թեյի տոպրակները:

3. Սառեցնում ենք մինչև սենյակային ջերմաստիճան և հանում դարչինը:

4. Բլենդերի մեջ հարում ենք պաղպաղակը և կաթը

5. Լցնում ենք բաժակների մեջ և զարդարում աղացած դարչինով: