Ինչպե՞ս նիհարել ձմռանը. 5 խորհուրդ

Shabat.am-ը գրում է.

Շատերը ձմռանն առնվազն 1-2 կիլոգրամով գիրանում են, քանի որ սկսում են այլ կերպ սնվել և քիչ են շարժվում։ Սակայն, ցանկության դեպքում, ձմռանը կարելի է ո՛չ միայն չգիրանալ, այլև ավելորդ քաշից ազատվել։

Այն մասին, թե ինչ քայլեր է պետք ձեռնարկել՝ ձմռանը նիհարելու համար

Ռեժիմով սնվել

Մասնագետի խոսքով՝ ձմռանը շատ կարևոր է ռեժիմով սնվել։ Պատճառն այն է, որ ձմռանը օրգանիզմին ավելի շատ էներգիա է հարկավոր, իսկ երկար ժամանակ չուտելու դեպքում ո՛չ միայն ինքնազգացողության հետ կապված խնդիրներ կլինեն, այլև հետո ավելին կլինի ուտելու ցանկությունը, քան պետք է։ Օրվա սննդակարգը պետք է բաղկացած լինի նախաճաշից, ճաշից և ընթրիքից՝ դրանցից ոչ մեկը բաց թողնել չի կարելի, պնդում է մասնագետը։

Նախաճաշել

Նախաճաշից ձմռանը ոչ մի դեպքում հրաժարվել չի կարելի։ Ցանկալի է նախաճաշին ուտել տաք շիլա, ամբողջական հացահատիկից պատրաստված հաց և մի քիչ կարագ, եթե հակացուցումներ չկան։ Նախաճաշին կարելի է ուտել նաև մեղր, որը շատ օգտակար է և ուժեղացնում է իմունային համակարգը։

200 կալորիա պակաս օգտագործել. եթե օրվա սննդակարգից ընդամենը 200 կալորիա պակասեցվի, ապա հնարավոր կլինի ո՛չ միայն քաշը կայուն պահել նույնիսկ ձմռանը, այլև նիհարել։ 200 կալորիան այնքան էլ շատ չէ՝ ընդամենը մեկ փոքրիկ թխվածք է կամ մեկ բաժակ ալկոհոլ։ Կարտոֆիլ նույնպես կարելի է ուտել, բայց ոչ տապակած։

Խելամտորեն սնվել

Աշխատել ձմռանը չափից շատ չուտել. շաքարով և ճարպով հարուստ ճաշատեսակների փոխարեն ուտել ավելի առողջարար սնունդ։ Ընկուզեղենը պետք չէ տոնական օրերին սեղանին պահել և անընդհատ ուտել. օրական ուտել ոչ ավելի, քան 7-8 հատիկ, իսկ մնացած ժամանակ սեղանին վարունգ, գազար և կաղամբ պահել ու ցանկության դեպքում «ծամել» դրանք։

Հաց

Ամբողջական հացահատիկից պատրաստված հացը վիտամինների աղբյուր է, և այն կարելի է ուտել թե՛ ձմռանը, թե՛ տարվա այլ եղանակներին։ Սակայն սպիտակ հացից ցանկալի է հրաժարվել, քանի որ այն գրեթե օգտակար չէ և գիրացնում է։