Ապացուցված է. ժամադրության հաջողությունը որոշվում է առաջին 12 րոպեների ընթացքում

AXA բրիտանական ընկերության գիտնականները հետզոտություն են անցկացրել առաջին ժամադրության վերաբերյալ: Երկու հազար մարդ անկեղծորեն պատմել է, թե ինչն է նրանց գրավել, իսկ ինչը՝ վանել հավանական ընկերոջ մոտ:

Առաջին եզրահանգումն այն է, որ ամենակարևորը ժամադրության սկիզբն է, իսկ ավելի հստակ՝ առաջին 12 րոպեները:

Իսկ ի՞նչն է սովորաբար դուր գալիս մարդկանց մոտ։ Այստեղ ամեն ինչ հասկանալի է: Հարցվածների 64%-ը նշել է գրավիչ ժպիտը, 58%-ը՝ տեսողական շփումը, 25%-ը՝ հաճելի ձայնը: Որքան էլ զարմանալի է, կեսից քիչն է նշել կոկիկ արտաքինը (45%):

Վանող հատկություններից գերազանցել է տհաճ հոտը (59%), ոչ թարմ շնչառությունը (53%), և վատ խոսքերը (38%): Այնուհետև գալիս է ոչ կոկիկ հագուստը (36%) և դժգոհ դեմքի արտահայտությունը (33%):

Մասնագետները նաև հարցրել են, թե ինչպես են մարդիկ պատրաստվում առաջին ժամադրությանը: Պարզվել է, որ հարցվածների քառորդը նախօրեին փորձում է որևէ փոփոխություն մտցնել իր արտաքինի մեջ: Կանայք նոր սանրվածք և մատնահարդարում են անում, տղամարդիկ մորուք են պահում: Կանանց 6%-ը և տղամարդկանց 5%-ը դիետա են պահում:

Հետազոտության արդյունքում նաև պարզվել է, որ տղամարդիկ ավելի մեծ հավանականությամբ երկրորդ հնարավորություն կտան առաջին ժամադրության ընթացքում դուր չեկած կնոջը:

Աղբյուր՝ LADYNEWS.am