10 պատճառ թե ինչու դու նորաձև չես .լուսանկարներ

 Wnews.am-ը գրում է.

Կան բաներ, որոնք անհուսորեն դուրս են նորաձեւությունից։ Wnews.am-ը  կազմել է այն տասը իրերի ցանկը, որոնք խորհուրդ կտանք չօգտագործել, քանի որ դրանք վաղուց արդեն նորաձեւ չեն եւ կարող են փչացնել ձեր կերպարը։

 

Հսկայական կրունկով կոշիկը, որը դիմացից էլ թաքնված պլատֆորմ ունի. Այս կոշիկները պետք է թողնել  2000-ականների սկզբում, սակայն, անհասկանալի պատճառներով ,աղջիկներից շատերը շարունակում են կրել այն, ոմանք՝ անգամ առօրյայում։ Մենք խորհուրդ ենք տալիս հրաժարվել դրանից, քանի որ դրանք վաղուց արդեն նորաձեւ չեն։

Ցածր գոտկատեղով տաբատները. եւս պետք է թողնել անցյալում. այժմ նորաձեւ են բարձր գոտկատեղով տաբատները, որոնք նախ ձեզ ավելի սլացիկ են դարձնում, բացի այդ՝ առավել սեքսուալ են։

Փայլուն, մարմնագույն զուգագուլպաները եւս դուրս են նորաձեւությունից։ Ի դեպ, հաճախ կարելի է ցուրտ եղանակին նկատել աղջիկների, ովքեր շարունակում են կրել բարակ ու թափանցիկ զուգագուլպաներ, որոնք պարզապես աչք են ծակում՝ բացասական առումով։ Հրաժարվե’ք դրանցից։

Միատոն կոշիկի եւ պայուսակի համադրությունը եւս արդեն ակտուալ չէ։ Ավելի գեղեցիկ է գույների անսովոր համադրությունը, colorblockingը-ը։

Բնականությունն ու պարզությունը վաղուց  նորաձեւության թրենդ են դարձել։ Այդ պատճառով էլ Բաբելոնյան աշտարակի ոճի լաքապատ սանրվածքները կամ դրան հակասող՝ գլխին  կպած, կեղծամի պես հարդարած վարսերն անբնական են ու նորաձեւ չեն։

Բիժուտերիան վաղուց արդեն էժանագինության եւ անորակության հոմանիշը չէ։ Կան բազմաթիվ ապրանքանիշեր, որոնք մասնագիտացել են հենց բիժուտերիայի արտադրության մեջ։ Ուստի առօրյայում միայն ոսկյա զարդեր կրելը, այն էլ՝ մեծ քանակությամբ, ավելորդ է։

Կարեւոր չէ դրանք բնական են, թե արհեստական, երկար եղունգներն ակտուալ չեն։

Հրաժարվեք թավշյա, քարիկներով կամ բանտերով ծամակալներից։ Այս փոքրիկ աքսեսուարը կարող է փչացնել ձեր կերպարը։

Ամենը մի ոճում. Նորաձեւ էքսպերիմենտներն ու ոճերի համադրությունը այն գլխավոր միտումն է, որի վրա այժմ հիմնված է նորաձեւությունը։

Իսկ ահա այն կարծրատիպերը, թե դասական կոստյումի հետ պետք է պարտադիր դասական կոշիկներ հագնել, կամ սպորտային կոշիկներով միայն մարզասրահ պետք է այցելել, վաղուց  պետք է մոռանալ։

Փայլփլուն քարիկներով հագուստը եւս դուրս է նորաձեւությունից։ Զգեստապահարանին փայլ կարելի է տալ մետաղյա իրերով, որոնք շատ ակտուալ են։