Բուրավետ թեյ. 3 ձմեռային բաղադրատոմս

Հատիկային թեյը միշտ համարվել է ավելի համեղ, քան տոպրակներովը, իսկ սեփական ձեռքերով պատրաստված թեյի խառնուրդները, իրոք, յուրահատուկ ըմպելիք են:

Փորձեք այս երեք ձմեռային բաղադրատոմսերը և վայելեք:

 

 

Թեյ նարինջով

Անհրաժեշտ են․

• Կանաչ կամ սև թեյ՝ 100 գր
• Նարնջի չորացված կտորներ՝ 5-7 հատ
• Դարչին՝ 1 թեյի գդալ
• Չորացված հիլ՝ ½ թեյի գդալ
• Մեխակ՝ ½ թեյի գդալ։ 

Պատրաստման եղանակը.

Նարնջի կտորները չորացնելու համար պետք է կտրատել այն բարակ կլորակներով, դնել թավայի մեջ և չորացնել վառարանում՝ ցածր ջերմաստիճանի տակ, պարբերաբար շուռ տալով: Երբ դրանք չորանան, կարելի կտրատել ավելի մանր կտորների: Խառնեք բաղադրիչները նշված համաչափությամբ և պատրաստեք թեյը:

Վանիլային ռոյբուշ՝ մասուրով

Ռոյբուշը համեղ խոտաբույսային թեյ է, որի մեջ չկա կոֆեյին: Այն ունի հաճելի համ: Եթե նրա մեջ ավելացնեք մասուր և մի քիչ վանիլ, ապա այն կդառնա հիանալի ըմպելիք ձմեռվա համար: 

Անհրաժեշտ են․

• Ռոյբուշ՝ 100 գր
• Մասուր՝ 10 հատիկ
• Վանիլի փայտիկներ՝ 2 հատ:

Պատրաստման եղանակը.

Խառնեք ռոյբուշը մասուրի չորացրած հատիկների հետ և դրեք վանիլինի ամբողջական ձողիկները՝ թեյին հաղորդելով հիանալի բուրմունք:

Իմբիրի թեյ՝ լիմոնով

Իմբիրի թեյը ոչ միայն համեղ ձմեռային խմիչք է, այլ նաև հիանալի միջոց ՝ մրսածության դեմ:

Անհրաժեշտ են․

• Սև կամ կանաչ թեյ՝ 100 գր
• Իմբիրի չորացված արմատ՝ 20 գր
• Չորացված կիտրոն՝ 20 գր:

Պատրաստման եղանակը․

Պատրաստելու համար պետք է խառնել թեյը, չորացված իմբիրը, ինչպես նաև կիտրոնը: Լավ համի համար պետք է եռման ջուրը լցնել խառնուրդի վրա և թողնել 15-20 րոպե՝ նախապես ավելացնելով մի գդալ մեղր:

 Աղբյուր՝ LADYNEWS.am