Հունաստանում սկսվել են բողոքի ակցիաներ` նվիրված մայիսմեկյան տոնին

Հունաստանում Աշխատավորների օրվա կապակցությամբ գործադուլներ և ցույցեր են սկսվել, հայտնում է «ՌԻԱ Նովոստի» լրատվական գործակալությունը։

Աշխատավորների օրը` մայիսի 1-ը, համընկել էր Հունաստանում Սուրբ Զատիկին նախորդած Ավագ շաբաթ օրվա հետ և իշխանությունը մայիսմեկյան տոնը տեղափոխել էր մայիսի 4-ին: Սակայն հույները պնդում են, որ Մայիսի մեկը ոչ թե տոն է, այլ պայքարի օր, ուստի այն նշում են գործադուլներով:

Բողոքի ակցիաները կազմակերպվել են «Բոլոր աշխատավորների մարտնչող ճակատ» կոմունիստական արհմիության և պետական ոլորտի աշխատողների ADEDY արհմիության կողմից։ Գործադուլ են հայտարարել նավատորմի, մետրոյի, տրանսպորտային այլ միջոցների աշխատակիցները. ցուցարարները հավաքվել են Սինդաղմա հրապարակում՝ խորհրդարանի շենքի մոտ, ինչպես նաև Կլավտմոնաս հրապարակում։

Արհմիությունների հիմնական պահանջը աշխատանքային օրենսդրության փոփոխությունները կասեցնելն է, ինչը, նրանց կարծիքով, ավելի է վատացնում աշխատողների վիճակը:

Հունաստանի Կոմունիստական կուսակցության Կենտրոնական կոմիտեն, իր հերթին, կոչ է արել բանվորներին՝ համերաշխության ակցիաներ անցկացնել ամբողջ երկրում: Նրանք դեմ են արտահայտվել Հունաստանի կառավարության քաղաքականությանը և կոչ արել Ռուսաստանի հետ դիմակայել ՆԱՏՕ-ի, Միացյալ Նահանգների և ԵՄ-ի «վտանգավոր ռազմական ծրագրերին»։