Մի­այն ընտ­րու­թյուն­նե­րի ար­դյունք­նե­րը կեղ­ծե­լով կա­րող է Նի­կոլ Փա­շի­նյա­նը մնալ իշ­խա­նու­թյան ղե­կին․ «Փաստ»

«Փաստ» օրաթերթը գրում է

rossaprimavera.ru-ն «Փորձագետ. Փաշինյանը գիտի, թե ինչպես կեղծել ընտրությունները և կանի դա» վերնագրով հոդվածում գրում է, որ միայն ընտրությունների արդյունքները կեղծելով կարող է Նիկոլ Փաշինյանը մնալ իշխանության ղեկին, և նա ունի դրա համապատասխան հնարավորությունները: Այս մասին հայտնել է «Պոլիտէկոնոմիա» հետազոտական ինստիտուտի ղեկավար Անդրանիկ Թևանյանը rossaprimavera.ru-ի թղթակցին:

«Առանց կեղծիքների Փաշինյանը շանս չունի մնալ իշխանության», - ասել է Թևանյանը:

Ըստ նրա, դա բխում է ինչպես սոցհարցումներից, այնպես էլ այն փաստից, որ պատմականորեն չկա նախադեպ, որ ղեկավարը երկիրը հասցնի կապիտուլ յացիայի և մնա իր պաշտոնին: «Նրա հույսը միայն ընտրակեղծիքներն են, քանի որ չունի իրական ընտրազանգված: Եթե լինեն արդար ընտրություններ, նա կպարտվի», - համոզված է փորձագետը:Միևնույն ժամանակ, Թևանյանը ուշադրություն է հրավիրել այն անուղղակի նշանների վրա, որոնք հուշում են, որ Փաշինյանը մտադրություն ունի ընտրակեղծիքներ կիրառել և ունի համապատասխան տեխնոլոգիաներ: Ինչպես նշել է փորձագետը, նախքան վարչապետ դառնալը Փաշինյանը հայտարարում էր, որ նախորդ իշխանությունները ընտրակեղծիքներ են օգտագործել, և անհրաժեշտ է բացահայտել այդ սխեմաները: Ավելին, 2018 թվականին ընտրակեղծիքների սխեմաները բացահայտելու նպատակով նույնիսկ գործեր են հարուցվել, բայց շուտով այդ բոլոր գործերը փակվել են:

«Այսպիսով, նշանակում է նրանց դուր է եկել այն համակարգը, որը կարող է հաղթանակ ապահովել իշխանությունների համար: Դա ինչպես վարչական ռեսուրսն է, այնպես էլ այս կամ այն տեսակի ընտրակեղծիքները», - ասել է Թևանյանը: Միաժամանակ փորձագետը շեշտել է, որ բոլոր այն ուժերը, որոնք Փաշինյանի դեմ են հանդես գալիս, կարող են հավաքել ձայների 50 % -ից ավելին:

Մանրամասները՝ «Փաստ» օրաթերթի այսօրվա համարում