BBC-ն ներկայացրել է մայիսին սպասվող լավագույն 10 ֆիլմերը

BBC լրատվականի թղթակից Նիկոլաս Բարբըրն առանձնացրել է 10 ֆիլմ, որոնք կարելի է դիտել այս մայիսին:

Առաջին ֆիլմը, որն առանձնացրել է հոդվածի հեղինակը Some Kind of Heaven վավերագրական ֆիլմն է, որը պատմում է Ֆլորիդային մոտ գտնվող գյուղական համայնքների մասին: Ռեժիսոր Լենս Օփնհեյմի վավերագրական ֆիլմում, որի պրոդյուսերը Դարեն Արոնոֆսկին է, ներկայացվում է աշխարհում թոշակառուների ամենամեծ համայնքը՝ «Թոշակառուների դիսնեյլենդը»: ֆիլմը համացանցում հասանելի կլինի մայիսի 14-ից:

Հաջորդ ֆիլմը And Tomorrow the Entire World քաղաքական թրիլերն է, որի հիմքում գերմանացի ռեժիսոր Ջուլիա վոն Հեյնզի սեփական փորձն է: Այն Միացյալ Նահանգներում և Սինգապուրում հասանելի կլինի մայիսի 6-ից:

Երրորդ ֆիլմը, որն առանձնացրել է հոդվածագիրը, ռեժիսոր Միշել Ֆրանկոյի 88 րոպե տևողությամբ New Order դրաման է: Ֆիլմը Ռուսաստանում հասանելի է լինելու մայիս 20-ից, իսկ Միացյալ Նահանգներում մայիսի 21-ից:

Հեղինակի առանձնացրած չորրորդ ֆիլմը՝ ռեժիսոր Զեք Սնայդերի Army of Dead-ը, Netflix հարթակում հասանելի կլինի մայիսի 21-ից: 

Ֆիլմերի շարքում հաջորդը ռեժիսոր Դեյվիդ Օյլոյոյի Water Man ֆիլմն է, որը պատմում է տղայի մասին, որի մայրը հիվանդ է: Մորը փրկելու համար տղան մտնում է անտառ` water man-ին փնտրելու, քանի որ, առասպելի համաձայն, նա գիտի հարատև կյանքի գաղտնիքը: Ֆիլմն ԱՄՆ-ում հասանելի է լինելու մայիս 7-ից:

Ֆիլմերը շարքը շարունակում է Riders of Justice ֆիլմը, որը մայիսի 21-ից հասանելի է լինելու Միացյալ Նահանգներում, Կանադայում և Ֆինլանդիայում:

Յոթերորդ ֆիլմը, որն առանձնացրել է հեղինակը, հայտնի «101 դալմատինները» ֆիլմի հերոսուհի Քրուելայի մասին պատմող Cruella ֆիլմն է․ այն Disney + ալիքում հասանելի կլինի մայիսի 28-ից:

Հաջորդը First Cow ֆիլմնէ, որը Նորվեգիայում էկրաններին է լինելու մայիսի 14-ից, Իսպանիայում մայիսի 21-ից և Մեծ Բրիտանիայում մայիս 28-ից:

Վերջին երկու ֆիլմերը, որոնք առանձնացրել է հոդվածագիրը, ռեժիսոր Ջոն Կրասինսկիի` հայտնի դերասանուհի Էմիլի Բլանթի մասնակցությամբ A Quiet Place ֆիլմի երկրորդ մասն ու Mainstream ֆիլմերն են: