1,5 միլիոն անմեղ զոհերի հիշատակն այսօր էլ վառ է մեր սրտերում և մենք աղոթում ենք նրանց հոգիների հանգստության համար. Գագիկ Ծառուկյան
ԲԼՈԳ
Հայաստանի, Արցախի և Սփյուռքի սիրելի՛ հայրենակիցներ.
աշխարհասփյուռ հայությունն այսօր ոգեկոչում է Հայոց Ցեղասպանության 106-րդ տարելիցը:
20-րդ դարի մեծագույն ոճրագործության՝ 1,5 միլիոն անմեղ զոհերի հիշատակն այսօր էլ վառ է մեր սրտերում և մենք աղոթում ենք նրանց հոգիների հանգստության համար:Հայոց Մեծ Եղեռնից 106 տարի անց համայն հայությունը դեռ սպասում է պատմական արդարության վերականգնմանը, քանզի Ցեղասպանությունը չունի վաղեմության ժամկետ և ժխտողական քաղաքականությունը որդեգրած Թուրքիան պետք է պատասխան տա:
Հայոց Մեծ Ցեղասպանությունը պետք է ընդունի նաև ամբողջ աշխարհը, քանի որ անպատժելիությունը դառնում է մարդկության դեմ նոր ոճրագործությունների և նոր հանցագործությունների պատճառ և մեր ամենօրյա աշխատանքով մենք պետք է բացառենք 1915 թվականի ոճրագործության կրկնությունը:
Իմ և «Բարգավաճ Հայաստան» կուսակցության անունից խորին երախտագիտություն եմ հայտնում բոլոր այն երկրներին, կազմակերպություններին և անհատներին, որոնք միացել են հայկական պահանջատիրության համընդհանուր ջանքերին և ճանաչել են Ցեղասպանությունը: Յուրաքանչյուր հայի պարտքն է մշտապես վառ պահել մեր անմեղ նահատակների հիշատակն ու միասնական ջանքերով հասնել պատմական արդարության վերականգնմանը:
Մեր խոնարհումը 1,5 միլիոն անմեղ զոհերի հիշատակին:
Աստված պահապա՛ն մեզ բոլորիս…
Գագիկ Ծառուկյան





















































1
Երեխու հերն եկավ, ասեց՝ Ժուլե՛տ տոտա, երեխեն ո՞ւր ա․ հարևանները մանրամասներ են պատմում
2
Ի՞նչ է պատմել կորած 2–ամյա Տիգրանի քույրիկը․ բացառիկ
3
Տիգրանը գտնվում է հենց այդ տարածքում, պարզապես՝ թուլացած, հնարավոր է՝ անգիտակից վիճակում
4
Նոր մանրամասներ՝ Մարմարիկ գյուղում կnրած 2-ամյա երեխայի դեպքի մասին (տեսանյութ)
5
Բոլորս տանջվում ենք․ վերջին թարմացումները՝ Մարմարիկից