Իրաքում տեղակայված թուրքական զորքերի մի մասը դուրս է եկել Մոսուլի շրջանից

 Թուրքական զորամիավորումների մի մասը սկսել է հեռանալ Իրաքի Մոսուլի շրջանում գտնվող Բեշիքա բնակավայրից՝ տեղափոխվելով հյուսիսային շրջաններ: Այս մասին տեղեկացնում է թուրքական «Միլլիեթ» պարբերականը:

Զինվորական աղբյուրների տեղեկացմամբ՝  10-12 ռազմական մեքենաներով, այդ թվում և տանկերով, թուրք զինվորները, համաձայն նոր կարգադրության, շարժվել են դեպի հյուսիսային շրջաններ:

Թուրքիան դեկտեմբերի 4 ին Իրաքի հյուսիսում գտնվող Բաշիքա բնակավայրի մոտ, որտեղ տեղակայված են քրդական փեշմերգայի (քրդական զորամիավորումներ)ճամբարները, տեղայակայել է իր զորքերը, այդ թվում տանկ և զրահատեխնիկա:Թուրքական կողմի հավաստմամբ՝ այդպես նրանք պատրաստվում են հարձակվելՄոսուլի վրա, որը գրավել են ԻՊ ծայրահեղականները, ինչպես նաև վարժեցնելքրդական փեշմերգային < /i>ԻՊ-ի դեմ պայքարի համար: Իրաքի ԱԳՆ-ն իր մոտ էկանչել Բաղդադում Թուրքիայի դեսպանին ու պահանջել, որ Թուրքիան անմիջապեսդուրս բերի իր զորքերը երկրի հյուսիսային շրջաններից: Իրաքի արտաքինքաղաքական գերատեսչությունից հայտարարել են, որ պաշտոնական Անկարան իրզորքերը մտցրել է առանց Բաղդադի հետ համաձայնության, ինչը որակվում է որպես «թշնամական գործողություն»:

Իրաքի իշխանությունները պահանջել են պաշտոնական Անկարայից 48 ժամվաընթացքում դուրս բերել զորքերը հյուսիսային Իրաքի տարածքներից: Իրաքի վարչապետ Հայդար էլ-Էբադին հայտարարել է, որ եթե Թուրքիայի իշխանություններըչկատարեն իրենց պահանջը, ապա իրենք ստիպված կլինեն կիրառել հնարավոր բոլոր տարբերակները, այդ թվում և Միավորված ազգերի կազմակերպությանԱնվտանգության խորհուրդ դիմելը: Դեկտեմբերի 8-ին այդ հայտարարությունը կրկնել է արդեն Իրաքի արտգորնախարար Իբրահիմ էլ-Ջաֆարին՝նախազգուշացնելով, որ վերջնաժամկետը մոտենում է ավարտին:

Թուրքիայի վարչապետ Ահմեդ Դավութօղլուն նամակ է ուղարկել Իրաքի վարչապետ Հայդար էլ-Էբադիին՝ տեղեկացնելով, որ Թուրքիան մտադիր չէ հավելյալ զորքերուղարկել Իրաքի հյուսիսային շրջաններ: Այդուհանդերձ, Թուրքիայի ԱԳՆ-ից հայտնել են, որ իրենք չեն պատրաստվում զորքերը դուրս բերել հյուսիսային Իրաքից: