Ստեղծված իրավիճակում հակառակորդը դարձել է «դժվար կանխատեսելի»

ԲԼՈԳ 12 Դեկտեմբեր, 2015 19:45

Վիտալի Մանգասարյանը Ֆեյսբուքյան իր էջում գրում է.

Ղարաբաղա-ադրբեջանական զորքերի շփման գծում արդեն 2 տարուց ավել է ինչ ժամանակ առ ժամանակ իրավիճակը սրվում է:Հետևելով հակառակորդի գործելաոճին նկատում ենք ,որ իրավիճակի սրացում դիտվում է այն ժամանակ, երբ հայկական ԶՈՒ-ում տեղի է ունենում զորակոչ:Ադրբեջանական ռազմաքաղաքական ղեկավարությունը՝ մտածված, հենց այդ ժամանակահատվածում փորձում է իր առջև դրված խնդիրը լուծելուց բացի, նաև հայ հասարակության ՝և հատկապես զորակոչային տարիքի երտասարդության և նրանց ընտանիքներին «լարվածության» մեջ պահելով թուլացնել բանակ-հասարակություն կապը::Քաղաքական դիվիդենտներ շահելու նպատակով, և ներկայիս իրավիճակը օգտագործել սեփական քաղաքական շահերին ծառայեցնող մարդկանց ՝ կարծում եմ անդրադառնալ չարժե ,քանի որ դա մեղմ ասած ժամանակի անիմաստ վատնում է :

Հակառակորդը ականանետներ և հրետանային տեխնիկա սկսեց օգտագործել այս տարվա հունվար-փետրվար ամիսներից,և արդեն 10 ամսից ավել է՝ գնալով մեծացրեց ականների տրամաչափը :
2013 թվականի հուվարից սկսած ադրբեջանական կողմը ակտիվ գործողություններ էր ծավալում դիպուկահարների միջոցով,ինչը ոչ այդքան արդյունավետ էր,իսկ 2014 թ –ի օգոստոսից հակառակորդը որդեգրել էր դիվերսիաների միջոցով հաջողության հասնելու մարտավարություն:

Այս տարվա սեպտեմբեր ամսի վերջում՝ հայկական բանակի կողմից հասցված պատասխան հարվածներից հետո, հակառակորդը ակտիվացավ արդեն 2 ամիս անց, բոլորովին նոր մարտավարությամբ և գործելաոճով ,և ստեղծված իրավիճակում դարձավ ավելի «դժվար կանխատեսելի»,քանի որ որդեգրել է մարտավարության մի ձև,որտեղ դիպուկահարների,դիվերսիոն ներթափանցման փորձերի հետ զուգահեռ օգտագործում է նաև հրետանային տեխնիկա և նույնիսկ տանկեր:
Հայկական ԶՈՒ –ը պատասխան հարվածները չեն ուշացնում և հակառակորդին բացի ռազմական օբյեկների ոչնչացումից, հասցնում են նաև մեծ թվով մարդկային կորուստներ:

Պետք է գիտակցել,որ նման իրավիճակ հետպատերազմյան տարիներից է վեր սահմանում չէր ստեղծվել, և նման մարտավարությամբ գործող հակառակորդի դեմ պայքարելը չափազանց դժվար գործ է դարձել:
Հասկանի է ,որ հրետանային հարվածներից հետո վնասվում են խրամատները,խրամուղիները ,կացարանները և մի շարք այլ ենթակառուցվացքներ :Պարզ է,որ «քարուքանդ» եղած դիքերը պետք է հնարավորինս շուտ կարգի բերել ,իսկ երբ այդ գործնթացը ուղեկցվում է դիվերսիաների վտանգով և դիպուկահարների ակտվիությամբ ,ապա դժվար չի դառնում պատկերացնել, թե ի՞նչ ծանր աշխատանք են կատարում դիրքում գտնվող զինվորները և սպաները :

Պետք է փաստել,որ հրետանային կրակի, դիվերսիաների վտանգի և դիպուկահարների ակտիվությունների փոխհամաձայնեցված գործողություններին , հայկական կողմը անպատասխան չի թողնում հակառակորդի ո՛չ մի սադրանք ,և վերը նշված դժվարությունները հաղթահարելով մեր ԶՈՒ-ի հարվածները առավել քան ցավոտ են լինում Ադրբեջանի համար:

Հ.Գ
Սահմանում տիրող վիճակը մտահոգում է բոլորիս , բայց պակաս կարևոր չէ նաև տեղեկատվական տիրույթում տիրող պատերազմը:,Ցավոք նկատելի է ,որ հատկապես ռուսալեզու և անգլալեզու տիրությում մեր ունեցած հաջողությունները այդքան էլ գոհացնող չեն: