Հոլիվուդյան աստղերի 2015-ի ամենասկանդալային բաժանումները (լուսանկարներ)

ՖՈՏՈ 10 Դեկտեմբեր, 2015 17:22

Ընթացիկ տարին աչքի ընկավ թե շքեղ հարսանիքներով, թե սկանդալային բաժանումներով։ Past.am-ը ներկայացնում է հոլիվուդյան հայտնի զույգերին, որոնք բաժանվել են 2015 թվականի ընթացքում։

Ջենիֆեր Գարներ եւ Բեն Աֆլեկ

Այս տարվա ողջ հունիս ամսվա ընթացքում ամերիկյան մամուլը գրում էր, որ այս հայտնի զույգը շուտով բաժանվելու է, սակայն երկրպագուները չէին հավատում դրան։ Սակայն ցավոք լրատվամիջոցները ճիշտ էին, հուլիսի 1-ին երջանիկ թվացող զույգը հայտարարեց ամուսնալուծության մասին։ «Երկար տատանվելուց, բոլոր կողմ եւ դեմ փաստերը հաշվի առնելով՝ մենք բարդ որոշում կայացրինք, որ պետք է ամուսնալուծվենք։ Մենք լավ ընկերներ կմնանք եւ միասին կդաստիարակենք մեր երեխաներին»,- հայտարարեց զույգը։

Իրինա Շեյք եւ Քրիշտիանու Ռոնալդու

Տարվա ամենահնչեղ բաժանումը թերեւս հենց այս զույգի բաժանումն էր։ Տարվա սկզբին Ռոնալդուն անակնկալ կերպով «Ոսկե գնդակի» մրցանակաբաշխությանը ներկայացավ միայնակ։ Լուրեր սկսեցին պտտվել, որ զույգը բաժանվել է, ինչը կարճ ժամանակ անց հաստատվեց։

Շարլիզ Թերոն եւ Շոն Պեն

Հունիսի 18-ի լույս 19-ի գիշերը հայտնի դարձավ, որ հայտնի դերասանաուհի Շարլիզ Թերոնը, առանց մտերիմներին ու հարազատներին զգուշացնելու, հետ է տվել նշանի մատանին Շոն Պենին ու մեկնել Լոնդոն։ Մինչ օրս էլ հայտնի չէ, թե որն էր նրանց բաժանման պատճառը։

Հոլլի Բերի եւ Օլիվյե Մարտինես

Հոկտեմբերին Հոլիվուդին ցնցեց այն լուրը, որ Հոլի Բերին ու Օլիվյե Մարտինեսը բաժանվում են։ Զույգը ամուսնացած էր 2 տարի, նրանք 2 տարեկան որդի ունեն՝ Մասեոն։ Նրանք հայտարարեցին, որ ծանր սրտով են նման որոշում կայացրել, բայց կպահպանեն հարգանքը իրար հանդեպ։

Քեյթ Մոս եւ Ջեյմի Հինկս

Ամռանը Քեյթ Մոսը լուրջ վեճ ունեցավ ամուսնու՝ կիթառահար Հինկսի հետ։ Բոլորը կարծում էին, թե սա պարզապես հերթական վեճն է, սակայն պարզվեց՝ ամեն ինչ լուրջ է, զույգը ամուսնալուծվեց՝ այդպես էլ չհաշտվելով։