Բաքվի դեսպանը ազատորեն հեգնում է Մոսկվային՝ Հայաստանի օդում խփված ուղղաթիռի առթիվ

Ezerk.am. ՄԻ-24 ուղղաթիռի խոցումը RBK գործակալությանը մեկնաբանելիս, դեսպան Փոլադ Բյուլ-Բյուլ օղլին արտաբերել է. «մութ էր, պատերազմը պատերազմ է, բան է՝ կպատահի»: Դեսպանի վերաբերմունքը ռուսներին հիմնված է Լավրովյան ցեղասպան ծրագրով արտահայտված նախագահ Պուտինի դիրքորոշման եւ երկրի թուրքական քաղաքականության վրա ընդհանրապես: Դեսպանի ձեւակերպումը արժանացել է ՌԴ ԱԳՆ անանուն մի չինովնիկի «մեծ սխալ» բնութագրի:

Հակառակ անանունի «կործանիչ պատասխանի» մասին հիշատակմանը, ռուսական հանրության արձագանքը Կրեմլի դիրքորոշմանը անթաքույց քննադատական է եւ կապվում է Սիրիայում խոցված երկու ինքնաթիռների եւ մեկ ուղաթիռի դրվագներին: Երասխի դեպքից ուշադրությունը շեղելու միակ հնարավորությունը քարոզչական զանազան հնարքներն են, որոնց շարքին է նաեւ հակահայ տրամադրությունների հրահրումը:

 

Մայոր Յուրի Իշչուկի եւ ավագ լեյտենատ Ռոման Ֆեդինի մահվան հանգեցրած գործողությունը RT գլխավոր խմբագիր Մարգարիտա Սիմոնյանի “թեթեւ ձեռքով” մատուցվել էր բացառապես «Հայաստանում ռուսական ուղղաթիռ են ոչնչացրել» վերնագրի ներքո: Նույն սադրիչ ձեւակերպումը օգտագործեց նաեւ Բաքուն իր քարոզչության մեջ:

24-ամյա օդաչու Ռոման Ֆեդինը Երեւանի համայնապատկերի վրա | լուս՝ Ժուկովսկու եւ Գագարինի անվան ռազմաօդային ակադեմիա

Ռուսական ազգայնական որոշ շրջանակներ եւս օգտագործում են Մարգարիտա Սիմոնյանի կեղտոտ հնարքը, շեշտելով, թե ուղղաթիռը ոչնչացրել են Հայաստանում: Մասնավորապես, այդպես են հրամցրել թշնամական գործողությունը օդաչու Ռոման Ֆեդինի ռազմական ուսումնական հաստատության քաղաք, հայաշատ Վորոնեժում:

Ռուսաստանում հայատյացության սերմանումը հանդիսանում է Արցախի դեմ իրականացված Լավրովյան ցեղասպանական պլանի անբաժան մաս: