Որտեղ միլիարդատեր փեսացու գտնել․ Աննա Սեմենովիչի անձնական փորձը

Բոլորովին վերջերս շքեղ Աննա Սեմենովիչի փեսացուն համարվում էր բանկիր Իվան Ստանկեվիչը,-տեղեկացնում է Past.am-ը։ Նույնիսկ խոսում էին, որ զույգը շուտով կամուսնանա։

Ուր մնաց Իվանը

Խոսակցություններ են պտտվում, որ բանկիրի ու Սեմենովիչի հարաբերություններն ավարտվել են դեռեւս մեկ տարի առաջ։ «Ես ու Իվանը դեռ մեկ տարի առաջ ենք բաժանվել, այժմ յուրաքանչյուրս մեր անձնական կյանքն ունենք։ Մենք պարզապես բնավորություններով չհամապատասխանեցինք։ Սկզբում սիրահարված էինք, հետո հասկացանք, որ շատ տարբեր ենք»,- բացատրում է Աննան։

Իմ կյանքի նոր փուլը

Ինչպես պարզվել է, Աննան արդեն ուրիշ տղամարդու հետ է երջանիկ։ Իզուր չէ, որ լրագրողներն անընդհատ տարակուսանքի մեջ էին, թե ինչու է երգչուհին այդքան հաճախ Եվրոպա մեկնում։ Պարզվում է, որ նա հանդիպում է շվեյցարացի միլիարդատեր գործարարի հետ։ Զույգը ծանոթացել է ինքնաթիռում։ Լոնդոն թռիչքի ժամանակ Սեմենովիչն ու գործարարը կողք կողքի են նստած եղել՝ ինքնաթիռի բիզնես-դասում։ Տղամարդը հավանել է գեղեցկուհուն, սկսել զրուցել հետն, ու ամեն ինչ հենց այդպես էլ սկսվել է։

«Այս տարվա գարնանն իմ կյանքում նոր փուլ սկսվեց, ամեն ինչ նորից սկսվեց, նորովի։ Հիմա էլ նկարահանվում եմ նոր ֆիլմում։ Եւ իհարկե, նոր հարաբերություններ ունեմ, մենք իրոք ծանոթացել ենք ինքնաթիռում։ Նա ռուս է, բայց երկար տարիներ ապրում է Շվեյցարիայում։ Մենք միասին շատ լավ ենք զգում մեզ»,- ասում է երգչուհին։

Համատեղ ամանոր

Զույգը ամանորը միասին կանցկացնի։

«Սիրելիս ինձ հրավիրում է Շվեյցարիա ամանորին՝ լեռնային հանգստավայր։ Սակայն ես ատում եմ դահուկները․․․ վերջ, էլ ոչինչ չեմ ասի։ Երջանկությունը լռություն է սիրում»,- ասում է Սեմենովիչը։