3 ոչ սովորական աղցան՝ Ամանորյա սեղանի համար. պատրաստենք ինչ-որ նոր բան

Blog.1in.am-ը գրում է.

Անցել են՝ տխուր, միանման, դժվարամարս աղցանների ժամանակները: Առաջարկում ենք ձեզ պատրաստել թարմ, նոր աղցաններ՝ Ամանորյա սեղանի համար:

Հավով և արքայախնձորով աղցան

Այս աղցանի յուրահատկությունը նրա մատուցման մեջ է: Այն կզարդարի ձեր Ամանորյա սեղանը:

Բաղադրիչներ

• 1 մեծ արքայախնձոր
• 400 գրամ խաշած հավի միս
• Մեկ բուռ ընկույզ
• Փոքր կապ համեմ
• Մի քանի հատ կանաչ սոխ
• 4 ճաշի գդալ մայոնեզ
• ½ թեյի գդալ կարրի
• Աղ, պղպեղ

Պատրաստման եղանակը

1 Լվացեք արքայախնձորը և բաժանեք այն երկու մասի: Սուր դանակով հեռացրեք միջուկը: Կտրատեք միջուկը խորանարդաձև:

2 Հավի միսը կտրատեք խորանարդաձև: Մանրացրեք սոխը և համեմը: Ընկույզը կարմրացրեք չոր թավայի մեջ երեք րոպե և կտրատեք:

3 Տարրայի մեջ խառնեք հավը, արքայախնձորը, կանաչին և ընկույզը: Առանձին խառնեք մայոնեզը կարրիի և աղի հետ: Տեղափոխեք աղցանը արքայախնձորի մեջ և մի փոքր պղպեղ ավելացրեք:

Հավով աղցան «Նիսուազ»

Այս աղցանի հայրենիքը Նիցցան է:

Բաղադրիչներ

• 4 հավի կրծքամիս
• 250 գ. թարմ-սառեցրած կանաչ լոբի
• 4 ձու
• 50 գ. անկորիզ ձիթապտուղ
• 150 գ. լոլիկ չերրի
• 70 գ. ռուկկոլա
• 3 ճաշի գդալ ծիթապտղի յուղ
• 2 թեյի գդալ հատիկովոր մանանեխ
• 1 ճաշի գդալ կիտրոնի հյութ
• 2 պճեղ սխտոր

Պատրաստման եղանակը

1 Լվացեք հավի կրծքամիսը և խաշեք: Կտրատեք հավի կրծքամիսը:

2 Պատրաստեք սոուսը: Մաքրեք սխտորը և մանրացրեք: Խառնեք ձիթայուղը մանանեխի, սխտորի և կիտրոնի հյութի հետ:

3 Հավի արգանակի մեջ խաշեք լոբին 6-7 րոպե:

4 Խաշեք ձուն, հետո կիսեք այն: Ձիթապտուղը կտրատեք օղակաձև: Լոլիկը բաժանեք երկու մասի:

5 Խառնեք ռուկկոլան, լոբին և լոլիկը, ավելացրեք սոուսի կեսը և լավ խառնեք: Դրեք մատուցվող ափսեի մեջ, վրան դրեք հավի կտորները, ձիթապտուղը, ձուն: Վրան ավելացրեք մնացած սոուսը:

Ամանորյա Շվեյցարական աղցան

Այս աղցանը կհավանեն բոլորը, հատկապես այն շատ դուր կգա տղամարդկանց:

Բաղադրիչներ

• Մի ճյուղ թարխուն
• 2 հատ թարմ վարունգ
• 2 հատ մարինացված վարունգ
• 400 գ. խոզապուխտ
• 400 գ. սերվելատ
• 4 հատ միջին տանձ
• 400 գ. ապխտած միս
• 5 ճաշի գդալ մայոնեզ
• 1 կիտրոնի հյութ

Պատրաստման եղանակը

1 Մանրացրեք թարխունի տերևները, խառնեք այն մայոնեզի և կիտրոնի հյութի հետ:

2 Աղցանի ամբողջ մսային բաղադրիչները կտրատեք բարակ շերտերով:

3 Թարմ և մարինացված վարունգները կտրատեք մսերի նման՝ բարակ շերտերով:

4 Մաքրեք տանձի կեղևը, բաժանեք այն չորս մասի, հանեք միջուկը, և բարակ կտրատեք:

5 Բոլոր կտրատված բաղադրիչները խառնեք իրար: Վրան ավելացրեք մայոնեզով սոուսը:

Ուրախացրեք ձեր հարազատներին նոր և հետաքրքիր աղցաններով: