Աշ­խա­տա­վար­ձի հա­վե­լում՝ սահ­մա­նա­մերձ կամ բարձր­լեռ­նա­յին բնա­կա­վայ­րե­րի ուս­հաս­տա­տու­թյուն­ներ գոր­ծուղ­վող մաս­նա­գետ­նե­րի հա­մար

Կրթության, գիտության, մշակույթի և սպորտի նախարարությունը սահմանել է սահմանամերձ կամ բարձրլեռնային բնակավայրերի պետական ուսումնական հաստատություններ համապատասխան մասնագետ գործուղելու նպատակով գործուղվող մասնագետների ընտրության և գործուղելու ընթացակարգը, գործուղված մասնագետներին լրացուցիչ հատկացումների տրամադրման և հաշվետվությունների ներկայացման գործընթացները։ Համապատասխան նախագիծը ներկայացվել է հանրային քննարկման:

Ներկայացված նախագծով լրացուցիչ հատկացումները կավելացվեն, մասնավորապես՝

1) մասնագետի և նրա ընտանիքի անդամների տեղափոխման տրանսպորտային ծախսերը` միայն միկրոավտոբուսային երթուղի լինելու դեպքում` միկրոավտոբուսային երթուղիների համար սահմանված սակագնի չափով, իսկ միկրոավտոբուսային և ավտոբուսային երթուղիներ լինելու դեպքում` ավտոբուսային երթուղիների համար սահմանված սակագնի չափով,

2) անհրաժեշտ գույքի տեղափոխման տրանսպորտային ծախսերը`մինչև 50 կիլոմետր ճանապարհի համար`10000 դրամ, 50 կիլոմետրից ավելի յուրաքանչյուր 50 կիլոմետրի համար` 8000 դրամ, բայց ոչ ավելի, քան 50000 դրամը,

3) տարեկան 4 անգամ մշտական բնակավայր այցելելու համար տրանսպորտային ծախս՝ միկրոավտոբուսային երթուղի լինելու դեպքում` միկրոավտոբուսային երթուղիների համար սահմանված սակագնի չափով, իսկ միկրոավտոբուսային և ավտոբուսային երթուղիներ լինելու դեպքում` ավտոբուսային երթուղիների համար սահմանված սակագնի չափով,

4) բնակարանային վարձի համար: Սա կախված է նրանից, թե որ մարզում կամ գյուղում կլինի բնակարանը,

5) կոմունալ ծախսերի համար՝ ամսական 10200 դրամ,

6) աշխատավարձի հավելում` աշխատավարձի 30 տոկոսի չափով: