Գյումրիի տեղամասերից մեկում լցոնում է եղել

Գյումրիի թիվ 34/28 տեղամասում լցոնում է եղել, որն արձանագրվել է դիտորդի կողմից: Այդ մասին հաղորդում է «Թրանսփարենսի ինտերնեյշնլ» հակակոռուպցիոն կենտրոնի «Քաղաքացի դիտորդ» նախաձեռնությունը:

Գրանցվել են նաեւ այլ խախտումներ:

34/38, քվեարկվել է ուրիշի փոխարեն, հանձնաժողովը արձանագրել է խախտումը:

32/02, Դիտորդի նկատմամբ բանեցվել է հոգեբանական ճնշում, հորդորվել է չդրսեւորել ակտիվություն:

03/24, Քվեարկել են Հենրիկ Հովակիմյանի փոխարեն, ով մահացած է:

07/15, Հանձնաժողովը անորոշ ժամանակով ընդմիջում է անում:

32/02, Դիտորդի կողմից գրանցվել է բաց քվեարկության դեպք: Հանձնաժողովի անդամները որեւէ կերպ չեն փորձել կանխել այն:

34/36, տեղամասում ծրարների պակաս կար, առաջին 100-ի մեջ 10 պակասում էր:

32/02, 32/32, Դիտորդի կողմից արձանագրվել է երկու հոգով քվեախցիկ մտնելու եւ քվեարկելու դեպք:

11/35, Դիտորդը հայտնեց, որ տեղի է ունեցել լցոնում, իսկ ընտրատեղամասի փակումից հետո հանձնաժողովը փորձում է լրացնել լցոնվածների դիմաց ցուցակները: Դիտորդը կատարում է տեսագրում:

38/62, ՀՀԿ վստահված անձ՝ Վաչե Ադամյանը, վիրավորում է դիտորդներին եւ ստիպում են տեղամասից դուրս գալ՝ պատճառաբանելով, որ 3 ժամից ավել դիտորդները տեղամասում մնալու իրավունք չունեն:

09/23, Դիտորդ Պաուլա Դեր Նայորայի հասցեին հնչել են հայհոյանքներ կողմնակի անձի կողմից, ով մի քանի անգամ առանց վկայական մտել է տեղամաս: