«Ափսոսում եմ բաց թողած տարիներս»․ Ամուսնու հուզիչ անակնկալը Արփիի 38-ամյակին

Արփին օգոստոսի 2-ին դարձել է 38 տարեկան։ Երգչուհին BRAVO.am-ի հետ զրույցում խոստովանել է, որ չի սիրում եւ չի կարեւորում իր տարեդարձի օրը, այդ առիթով էլ ոչ մի տարի հատուկ հավաքույթ չի նախաձեռնում։

«Շնորհավորանքների տարափը կեսգիշերից է սկսվել, ամուսինս մտերիմ ընկերներիս հետ անչափ հաճելի եւ հուզիչ անակնակալ էր պատրաստել։ Իմ բոլոր վաղեմի ընկերներից՝ դասընկերներ, կուսընկերներ, բարեմակմներ, շրջագայությունների ժամանակ ծանոթացած մարդիկ, տարբեր բնագավառներից հայտնի ու անհայտ ընկերներից շնորհավորական տեսագրություններ էր հավաքել ու երեկ ներկայացրեց ինձ։ Այնքան հարազատ մարդիկ էին խոսել, նայեցի ու չկարողացա հուզմունքս զսպել՝ արտասվեցի։ Կեսգիշերին նաեւ մեր մտերիմ ընկերները, քույրս էին մեզ հյուր եկել։ Տորթ, շամպայն, գունավոր փուչիկներ ու գեղեցիկ ծաղիկներ էին բերել։ Երկար նստեցինք, մի քիչ խմեցինք, զրուցեցինք, վերհիշեցինք, ծիծաղեցինք»,-պատմել է հոբելյարը։

Տորթի մոմերը փչելիս նյութական երազանք չի մտապահել․ «Վերջին տարիներին հասկացել եմ, որ նյութական երազանքներս քչացել են։ Առողջություն եմ ցանակնում ինձ շրջապատող մարդկանց, հանգստություն, համբերություն։ Որ միշտ շրջապատված լինենք հավատարիմ ու լավ ընկերներով, որպեսզի կյանքի դժվարություններն էլ հեշտ հաղթահարելի դառնան»,- ասել է նա։

Որպես հիշարժան տարեդարձ առանձնացրել է Բաթումիում անցկացրած ծննդյան օրը․ «2014 թվականին նույն ընկերական կազմով Բաթումիում էինք։ Ժամը տասին գնացինք ծովափ, տորթ կտրեցինք, շամպայն խմեցինք ու սպասեցին, որ օրը փոխվի՝ շնորհավորեն։ Այս տարեդարձս էլ շատ տարբեվող ու հիշվող էր»,- նշել է երգչուհին։