Միտումնավոր սպանություն, թե՞ անբացատրելի առեղծված. Ինքնաթիռը օդ բարձրացավ 2014-ին և անհետացավ

2014 թվական մարտի 8-ին Մալազիայի մայրաքաղաք Կուալա Լումպուրից դեպի Չինաստանի մայրաքաղաք Պեկին ուղևորվող Բոինգ տեսակի Malazia R Lains 370 ինքնաթիռը, որում կար 239 ուղևոր, ժամը 00:42 րոպեին բարձրացավ օդ: Ուղիղ 40 րոպե անց ինքնաթիռը անհետացավ ռադարների էկրանից: Այդ բանից հետո ինքնաթիռը և դրանում գտնվող ուղևորներին մինչև օրս որևէ մեկը չի տեսել:

Past.am-ը Ձեզ է ներկայացնում այս առեղծվածային և անչափ հետաքրքիր պատմության որոշ մանրամասներ:

Ինքնաթիռը համարվում է ամենաանվտանգ փոխադրամիջոցներից մեկը ամբողջ աշխարհում: Մեկ օրվա ընթացքում աշխարհում օդ է բարձրանում մոտավորապես 25 հազար ինքնաթիռ և ցավոք ժամանակ առ ժամանակ տեղի են ունենում վթարներ, որոնցից շատերի պատճառները մնում են անհայտ: Սակայն այն, ինչպատահեց 2014 թվականին  Մալազիական Բոինգ ինքնաթիռի հետ, թերև ամենաառեղծվածայինն է ողջ քաղավիացիայի պատմության մեջ: 

2014 թվականի մարտի 8-ի կեսգիշերն անց մալազիական ինքնաթիռը Կուալա Լումպուրից օդ բարձրացավ օդաչուներ Զաքարի Ահմեդ Շախի և ֆարիկ Աբդուլ Համիդի ղեկավարությամբ: Ամեն ինչ կարգին էր, չկար որևէ խնդիր կամ լարվածություն: Քիչ անց ինքնաթիռը մուտք գործեց Վիետնամի օդային տարածք, որից հետո պետք է կապ հաստատեր վիետնամական Հոշիմին քաղաքի օպերատորների հետ:

Կապի դուրս գալուց հետո եղել է այսպիսի խոսակցություն.

-Հոշիմինի կողմից կապն ընդունված է, մաղթում ենք խաղաղ գիշեր:

-Շնորհակալություն, ձեզ նույնպես:

Սա վերջին բանն է եղել, որ լսվել է մալազիական MH-370 ինքնաթիռից: Այս հաղորդագրությունից հետո ժամը 01:21-րդ րոպեին ինքնաթիռը անհետանում է տարածաշրջանում գտնվող 3 օդանավակայնների ռադարներից: Երբ ինքնաթիռը 4 ժամ անց այդպես էլ չժամանեց Պեկին, այն պաշտոնապես հայտարարեցին անհետ կորած: Այս ամենից հետո սկսվեցին ամենամաշտաբ ու ամենաթանկարժեք որոնողական աշխատանքները, որոնք սակայն ոչ մի արդյունք չտվեցին: 

Առաջին որոնումները իրականացվեցին Մալազիայի և Վիետնամի միջև գտնվող ջրային տարածքի վրա, որի արդյունքում պարզվեց մի շատ կարևոր տեղեկություն: Մալազիական Բոինգը ֆիքսվել էր այդ շրջանում գտնվող ռազմաբազաներից մեկի արբանյակով: Պարզվեց, որ կապի ընդհատումից հետո ինքնաթիռը կտրուկ շրջադարձ է կատարել ձախ կողմ և ուղևորվել դեպի Հնդկական օվկիանոս: Այս տեղեկությունից հետո որոնման շրջանակները մեծացվեցին:

Որոնողական աշխատանքներին մասնակցում էին մի քանի երկրներ, սակայն բոլոր աշխատանքները անցան ապարդյուն: Երկարատև աշխատանքներ ապարդյուն անցնելուց հետո, մնում էր միայն մեկ բան, օգնության դիմել այդ տարածքի երկնակամարում գտնվող արբանյակներից մեկին:

Արբանյակի փոխանցած  և ինքնաթիռի կոմից ավտոմատ կերպով վերադարձված ռադիոալիքների ուսումնասիրության արդյունքում պարզ դարձավ, որ ինքնաթիռը ուղևորվել է դեպի Հնդկական օվկիանոսի հյուսիսային հատված: Արբանյակի միջոցով նաև հնարավոր եղավ պարզել, որ Վիետնամի հետի կապի ընդհատումից հետո ինքնաթիռը դեռ շարունակել է օդում գտնվել 7 ժամ, որից հետո ենթադրաբար երբ վերջացել է վառելիքը այն մեծ արագությամբ ընկել է օվկիանոսը: Որոնման աշխատանքները վերսկսվեցին և դարձան ամենաթանկարժեքը: 2 տարի տևած որոնողական աշխատանքների համար ծախսվեց ռեկորդային 142 միլիոն դոլար: Սակայն այս ամենից հետո պարզ դարձավ, որ ինքնաթիռից հետք անգամ չկա:

Ինքնաթիռի անհետացման շատ տարբեր վարկածներ կային: Կասկածելի էր թվում ևս մի փաստ: Ինքնաթիռը կապի ընդհատումից հետո կտրուկ շրջադարձ է կատարել դեպի ձախ: Հայտնի որ ինքնաթիռները օդ բարձրանալուց հետո անցնում են ավտոպիլոտային ռեժիմի, հետևաբար կտրուկ շրջադարձ կարող էր կատարվել միայն մարդու կողմից միտումնավոր կերպով, ուստի կասկածի տակ հայտնվեց գլխավոր օդաչուն՝ Զաքարիա Ահմեդ Շախը:

Ուսումնասիրելով նրա տունը հայտնաբերվեց սարսափելի մի բան. օդաչուի տանը հայտնաբերվեց ավիացիոն սիմուլյատոր, ծրագիր, որի միջոցով մարդը կարող է վարժվեցվել ինքնաթիռ վարելուն: Սիմուլյատորի մեջ հայտնաբերվեց կետերով նշված մի ուղղություն, որը գրեթե համապատասխանում էր այն շեղված ուղղությանը, որով շարժվել էր ինքնաթիռը:

Պարզվեց նաև, որ ինքնաթիռի անհետացումից մեկ օր անց օդաչուի կինը բաժանվել է նրանից: Այս ամենին, երբ գումարվում է ռադիոկայանի հետ ճիշտ պահին կապի ընդհատումը, ինքնաթիռի պրոֆեսիոնալ ձևով կտրուկ  շրջադարձը և ևս մի քանի փաստեր, օդաչու Զաքարիա Ահմեդ Շախը դառնում է գլխավոր կասկածյալը, ով հնարավոր է, որ ինչ-ինչ պատճառներով դիմել է ինքնասպանության իր հետ տանելով 238 անմեղ մարդկային կյանքեր:

Սակայն դատական գործընթացի արդյունքում բոլոր փաստերը համարվեցին ոչ բավարար գործը միանշանակ բացահայտելու համար:

Մալազիական Բոինգ MH-370 ինքնաթիռի ճակատագիրը, այդպես էլ մնաց անհայտ: