Բանտ, թե՞ ամրոց. «Ֆորտ Բոյարի» առեղծվածային պատմությունը

Եթե մարդկանց հարցնենք, թե Էֆելյան աշտարակից բացի Ֆրանսիայում գտնվող ինչ հայտնի շունության անվանում կարող են ասել, շատերը միանշանակ կտան «Ֆորտ Բոյար» ամրոց անունը: Հանրահայտ հեռուստաշոուն անցկացվում է հենց այս առեղծվածային  ամրոցի տարածքում:

Past.am-ը այս անգամ անդրադարձել է հենց հայտնի «Ֆորտ Բոյար ամրոցին, որը ունի չափազանց հետաքրքիր պատմություն:

«Ֆորտ Բոյարի» ամրոցը գտնվում է Ֆրանսիայի ատլանտիան ափին՝ Իքս և Ալերոն կղզիների միջև: Այս աներևակայելի շինության կառուցման գաղափարը առաջացել է դեռևս 1666 թվականին՝ Ֆրանսիայի թագավոր Լյուդովիկ 14-րդի կողմից: Նա ցանկանում էր պահպանել ֆրանսիայի  նշանավոր նավամատույցներից մեկը, թշնամու հարձակումներից ու նա ցանկացավ  «Ֆորտ Բոյարի» տարածքում կառուցել այնպիսի շինություն, որը  խոչընդոտ կհանդիսանար թշնամու նավերից նավամատույցը տեսնելու համար:

Սակայն այն ժամանակների լեգենդար ճարտարապետ Սեբաստիան Լեպրեդեն Դեվոբանը հրաժարվեց կառուցել շինությունը, պատճառաբանելով, որ այդ տարածքում անհնար է կառուցել ամրոցը: Արդյունքում շինությունը կառուցվեց շատ տարիներ անց՝ Լուի Ֆիլիպ 1-ի կողմից:

«Ֆորտ Բոյարի» կառուցման աշխատանքները ավարտվեցին միայն 1857 թ-ին: Կառուցված ամրոցը ուներ 20 մետր բարձրություն, շինության մեջ կարող էր դիրքավորվել 42 հրետանիներ և մի քանի հարյուր զինվորականներ: Սակայն տարիներ անց այն վերածվեց բանտի, բայց դա էլ երկար չտևեց:

1872 թ-ին բանտարկյալներին տեղափոխեցին այլ վայր և ամրոցը վերածվեց լքված շինության:

1980 թ-ին «Ֆորտ Բոյարը» նորից հայտնվում է ուշադրության կենտրոնում, քանի որ հենց այդ տարում առաջին անգամ այնտեղ անցկացվում է «Գանձեր որոնողները» հեռուստաշուն: Աննախադեպ վարկանիշ ունենալուց հետո խաղի հեղինակ Ժակ Անտուանը գնում է այդ տարածքը և այն ծառայեցնում նկարահանումներին: 

Արդեն 1990 թ-ին եթեր հեռարձակվեց «Ֆորտ Բոյարի» առաջին հեռուստախաղը, որից հետո «ֆորտ Բոյար» հեռուստաշոուն մինչև օրս պահպանում է իր բարձր վարկանիշը: