Սոքս խաղ. պարկին հարվածներ հասցնելու «հետևանքները»

«Սոքսը» ֆուտբեգային խաղի տարատեսակ է` շատ տարածված երիտասարդների շրջանում և ոչ միայն: Ֆուտբեգը (անգլերեն foot -ոտք և bag- պարկ բառերից) փոքրիկ գնդակ է, որի տարբեր տարատեսակներ օգտագործվում են մի շարք խաղերում: Խաղի իմաստը մարմնի տարբեր մասերով գնդակին հարվածելով` զանազան հնարքներ ցուցադրելն է: Երիտասարդության շրջանում կան «սոքս» խաղի առաջացման մի քանի պատմություններ: 

Ըստ նրանցից մեկի, անգլիացի զինվորները պարապությունից սկսել են ավազ լցնել գուլպաների մեջ, ապա հարվածներ հասցնել դրանց: Բայց իրականում ամեն ինչ այլ կերպ է եղել: «Սոքս» գնդակ առաջին անգամ հայտնվել է 1972 թվականին Ամերիկայում: 

Դա տեղի է ունեցել Մայք Մարշալի և Ջոն Ստալբերգերի շնորհիվ: Ջոնը ծնկահոդի վիրահատության է ենթարկվել և փնտրել է մեթոդներ, որպեսզի աշխատանքային վիճակի բերի ծնկահոդը: 

Նա հանդիպել է Մայքի հետ, որը հարվածներ էր հասցնում լոբով լցված ինքնաշեն պարկին: Մայքն ու Ջոնը սկսել են միասին խաղալ և հետագայում շատ լավ ընկերներ են դարձել: Ընկերները իրենց ստեղծած խաղին տալիս են «Hack the Sack» անունը: 

 

Շուտով նոր խաղն ամբողջությամբ գրավում է Մայքին և Ջոնին: Մայք Մարշալն սկսում է մտածել, որ կարելի է այն լայն «զանգվածներին» հասու դարձնել, և ընկերները սկսում են իրագործել դա: Սակայն 1975 թվականին Մայք Մարշալը վախճանվում է սրտի կաթվածից քնած ժամանակ. նա ընդամենը 28 տարեկան էր: 

Ընկերոջ մահից ցնցված Ջոն Ստալբերգերը չի հրաժարվում իրենց գաղափարներից: Կրկնակի նախանձախնդրությամբ նա շարունակել է առաջ տանել «սոքս» խաղի տարածումը: Իրականացնելով թեստեր և փորձեր ՝ Ջոնը պարզում է, որ «սոքս» գնդակով պետք է խաղալ մարմնի բոլոր մասերով, այլ ոչ թե միայն ծնկներով և ոտքերով, քանի որ այդ դեպքում այն պարզ խաղից, ինչպես թվում է առաջին հայացքից, կարող է վերածվել սպորտային խաղի:

 Ընկերների օգնությամբ Ջոն Ստալբերգերն ստեղծում է «Hacky Sack» խաղի ազգային ասոցիացիա: Այնուամենայնիվ, գործերը լավ չեն ընթացել, և Ջոնը ստիպված վաճառելէ «Hacky Sack»- ի իրավունքները «Kransco» ընկերությանը: «Սոքս» խաղի երկրորդ վերածնունդը տեղի է ունեցել դրա ստեղծումից մի քանի տարի անց: 

Դրան նպաստում են այդ մարզաձևը չմոռացած և մարզաձևի առաջ մղումը իրենց պատիվը համարող էնտուզիաստները: Միայն «սոքսի» անունն է հիմա փոխվել, և ներկայումս այն անվանվում է «Fottbag»: