Բրեդ Փիթը՝ իր հրաշալի ընտանիքի մասին

Բրեդ Փիթը չի դադարում խոսել ընտանիքի մասին: Վերջին հարցազրույցի ժամանակ նա կրկին անդրադարձել է կնոջն ու 6 երեխաներին.

«Ես չեմ համբերում, թե երբ եմ տուն գնալու: Ես այժմ ունեմ նպատակ: Ես գտել եմ իմ տեղը կյանքում»: Թեև հարցազրույցը նրա նոր ֆիլմի մասին է եղել, բայց ողջ ընթացքում դերասանը խոսել է ընտանիքի, իրենց ընտանեկան կյանքի մասին:

Past.am-ը Ձեզ է ներկայացնում նրա լավագույն խոսքերն այդ հարցազրույցի ժամանակ:

«Ինձ զարմացրել է, թե իմ ու Էնջիի պատմությունը որքան մեծ բան է նշանակում ինձ համար, որ մենք ունենք այս պատմությունը միասին, որ մենք ճանաչում ենք միմյանց, որ մենք հետևում ենք՝ ինչպես է մյուսը մեծանում, ծերանում՝ ապրելով ուրախության ու ցավի րոպեներ: Դա այնքան մեծ նշանակություն ունի ինձ համար: Չգիտեմ: Ես ուղղակի զարմացած եմ»:

Ծնող լինելու հաճույքի մասին: «Բոլորն անընդհատ խոսում են երեխաներ ունենալու հաճույքի մասին: Բայց ես չէի պատկերացնում՝ ինչքան ուժեղ կարող եմ սիրել, մինչև չնայեցի երեխաներիս դեմքերին»: Ընտանեկան կարգուկանոնի մասին «Ես հիմնականում տղաների հետ եմ: Աղջիկները խնդիրներ չեն ունենում, դրա համար ստիպված չեմ լինում նրանց հետևել: Ինձ մոտ զգացողություն է , որ իմ գործն է ծանոթացնել նրանց շրջապատին, օգնել գտնել՝ ինչ են ուզում անել իրենց կյանքի հետ, նրանց տալ ամեն ինչ, բայց սթափեցնել, եթե սահմաններն անցնեն, որ իմանան՝ ովքեր են իրենք»: Ինչպես է հայրությունը փոխել նրան: «Կարծում եմ դա կերևա իմ աշխատանքից: Նախկինում ես բավական լավ դերասան էի, բայց բազմաթիվ վրիպումներով: Կարծում եմ՝ ես դարձել եմ իսկապես լավ դերասան: Վստահ եմ, որ դա շատ է կապված նաև տարիքի ու իմաստության հետ, բայց ես փոփոխությունը զգացել եմ ընտանիք կազմելուց հետո: Եվ հենց ընտանիքը՝ երեխաներն ու կայուն ընտանիքն են քեզ քեզնից ավելին դարձնում: Նրանց պետք է, որ նստես իրենց կողքին, իրենց կողքին լինես, երբ արթնանում են գիշերվա կեսին: Նրանք ունեն քո կարիքը: Եվ հենց դա էլ պակասեցրեց իմ լարվածությունն ու անհանգստությունը: Եվ եթե պիտի անեմ մի բան, որը ինձ կհեռացնի իմ ընտանիքից, ապա ավելի լավ է լինի այնպիսի մի բան, որին ես հավատում եմ, և որ երեխաներս կտեսնեն ու կհպարտանան իրենց հայրիկով»: