Ուշադրություն. «Բարի Սամարացի» ընկերությունը կաշխատի հիգիենայի ուժեղացված ռեժիմի պայմաններում

ՀԱՍԱՐԱԿՈՒԹՅՈՒՆ 18 Մարտ, 2020 23:02

«Բարի Սամարացի» ընկերությունը տեղեկացնում է, որ ՀՀ-ում արտակարգ իրավիճակ հայտարարելու պահից սկսած ընկերության լաբորատոր մեքենաներն, ամեն առավոտյան ժամը 7-ից 8-ը, արտադրամասում բժիշկների հետ կընդունեն ընկերության աշխատողներին: Նրանք արտադրամաս կտեղափոխվեն ընկերության ախտահանված մեքենաներով, աշխատանքի անցնելուց առաջ կստուգվի աշխատակիցների առողջական վիճակը, իսկ ընկերության լաբորատոր մեքենաներն օրվա ընթացքում կշրջեն բոլոր ֆիրմային խանութներում և կախտահանեն ողջ օգտագործվող գույքն ու կստուգեն վաճառողների առողջական վիճակը:

Բացի այդ, երկրում տարվող ըննդեմ կորոնավիրուսի տարածման միջոցառման շրջանակներում, ընկերությունն անվճար բժշկական դիմակներ և ալկոգելեր կբաժանի, իսկ մսամթերքի ողջ տեսականին կվաճառվի զեղչված գներով: Ընկերության տնօրինությունը վստահեցնում է, որ «Բարի Սամարացի» ընկերության կողմից արտադրվող ողջ մսամթերքն անվտանգ է, այն մինչ խանութներ առաքվելը լաբորատոր ստուգում է անցնում, էկոլոգիապես մաքուր է և անվտանգ:

Եթե վախենում եք, կամ ունեք մտահոգություններ, ապա կարող եք օգտվել վակուումային փաթեթավորում ունեցող ապրանքատեսակներից, հումապխտած տեսականուց կամ կիսաֆաբրիկատներից: Ընկերությունը հավաստիացնում է, որ անհանգստանալու կարիք չկա, քանի որ այս ընթացքում աշխատում է խիստ լարված ռեժիմով և գործի է դրել լաբորատոր մեքենաների ողջ հզորությունը: Բացի այդ, արտադրամասն աշխատում է խստացված հիգիենայի և աշխատանքային ռեժիմով:

«Բարի Սամարացի» ընկերությունը մոտ 30 տարի լինելով ՀՀ-ում ամենաերկար տարիների կենսագրություն ունեցող մսամթերք արտադրող ձեռնարկությունը մշտապես, իր գործունեության հիմքում շեշտադրել է էկոլոգիապես մաքուր և անվտանգ մսամթերք արտադրելու կարևորությունը, և զերծ է մնացել կամայական հավելանյութերի օգտնագործումից, չի օգտագործում քաշ ավելացնող կամ շահույթ ապահովող հավելանյութեր, մարդու առողջությանը վտանգ սպառնացող գունանյութեր, համային ուժեղացուցիչներ, կամայական համային հավելումներ:

Այդ իսկ պատճառով, «Բարի Սամարացի» ընկերությունը մշտապես առանձնացել է իր գնային ու որակական հատկանիշներով և սահմանում է սպառման շատ կարճ ժամկետներ, ինչը փաստում է, որ ընկերության արտադրանքը զերծ է քիմիական հավելումներից, էկոլոգիապես մաքուր է, անվտանգ և արտադրության ընթացքում օգտագործում է բնական համեմունքներ:

Այլ կերպ ասած՝ «Բարի Սամարացի» ընկերության արտադրանքը ոչ միայն մաքուր է և անվտանգ, այլև օգտակար է ոչ միայն մեծահասակների, այլև երեխաների համար: «Բարի Սամարացի» ընկերությունը լինելով հանրապետության ամենահին մսամթերք արտադրող ընկերությունը մշտապես շատ բարձր է պահել իր անունն ու բարի համբավը և մսամթերքի շուկայում միշտ լինելով ոլորտի առաջատարը, միակ մսամթերք արտադրող ընկերությունն է, որն այս տարիների ընթացքում Հայաստանում հարյուրից ավելի մրցանակների է արժանացել ոչ միայն ԱՊՀ երկրներում, այլև Կովկասում համարվում է միակ ընկերությունը, որը եվրոպայի անվտանգ սննդամթերք արտադրողների միության անդամ է, որին անդամակցում է աշխարհի ընդամենը 5 ընկերություն:

Միջազգային չափանիշներով որակի գնահատման թեստերի արդյունքում «Բարի Սամարացի» ընկերությունը երկու անգամ գտնվել է լավագույն ընկերությյունների թոփ տասնյակում: Այդ թվում՝ անցյալ տարի, իշխանափոխությունից հետո 10-ից ավելի մրցանակներ է ստացել ինչպես համազգային, այնպես էլ այլ երկրների պետական բարձրաստիճան ղեկավարների կողմից:

Մասնավորապես՝ 2019-ին որպես ԱՊՀ-ում լավագույն մսամթերք արտադրող ընկերություն մրցանակ է ստացել ՌԴ նախագահ Վլադիմիր Պուտինի կողմից, որը ընկերությանն է հանձնվել ՌԴ վարչապետի կողմից: Այս ամենը խոսում է այն մասին, որ ընկերությունը ջանք չի խնայում լավագույն արտադրանքով շուկայում առանձնանալու համար և շուրջ երեք տասնամյակ պետական հաստատությունների, այդ թվում՝ Կրեմլի միակ մատակարարն է: Բոլոր տեղական պետական և միջազգային լաբորատորիաները խորհուրդ են տալիս հետևել «Բարի Սամարացի» ընկերության գործունեությանը:

Ընկերությունն արտադրելով էկոլոգիապես մաքուր և անվտանգ սննդամթերք մշտապես զերծ է մնացել քիմիական ծագում ունեցող հավելումներից և երբեք գերշահույթ ստանալու քաղաքականություն չի վարել, իսկ եկամուտը ծառայեցրել է անապահով ընտանիքների, անազատության մեջ գտնվողներին, բանակին, ծերանոցներին ու մանկատներին, ինչպես նաև այն ընտանիքներին ձեռք մեկնելու համար, ովքեր ունեն օգնության կարիք: Մսամթերքի տեսքով օգնություն տրամադրելուց բացի ընկերությունը կանգնած է նաև երիտասարդների կողքին վճարելով նրանց ուսանողական վճարները: Անօթևանների և այլ կարիքավորների համար չի խնայում ոչինչ և ընդամենը փոքրիկ ժպիտ պարգևելու համար պատրաստ է անել ամեն ինչ:

Այս ամենը գալիս են կրկին անգամ փաստելու, որ ընկերությունն այս տարիների ընթացքում իր կողմից որդեգրած բարություն ու հոգատար վերաբերմունք ցուցաբերելու քայլերը սոսկ ձևական բնույթ չեն կրում և խոսում են իրենց անվանը հավատարիմ մնալու մասին, ուստիև առիթը բաց չեն թողնում կրկին անգամ բարձրաձայնելու, որ՝ այն ինչ ընկերությունը կարողանում է իրականացնել, կյանքի է կոչվում միայն ու միայն իր սպառողների շնորհիվ, որոնք նախընտրում են «Բարի Սամարացու» արտադրանքը:

Ընկերության ողջ անձնակազմը մշտապես շնորհակալ է իր սիրելի սպառողներին և չի վարանում անդադար շնորհակալություն հանյտնել նրանց, քանի որ նրանց վստահության շնորհիվ է հնարավոր դառնում իրականացնել այն հսկայածավալ աշխատանքերը, որով ինչ-որ չափով կարողանում են թեթևացնել բազմաթիվ անապահով ընտանիքների հոգսը: Առանց սպառողների կողմից ցուցաբերվող ուշադրության ոչինչ հնարավոր չէր լինի իրականացնել, ուստի ընկերությունը շնորհակալ է իր սպառողին «Բարի Սամարացի» ընկերությանը վստահելու և իր արտադրանքը նախընտրելու համար: Թող Աստված պահի ու պահպանի մեր երկիրը, մեր ազգաբնակչությանը, մեր սահմաններն ու բոլորիս: