ՊԱՏՄՈՒԹՅԱՆ ԱՅՍ ՕՐԸ (29 ՀՈՒՆՎԱՐԻ) Հայաստանի առաջին օմբուդսմենի պաշտոնում առաջարկվել է Լարիսա Ալավերդյանի թեկնածությունը

ՏՈՆԵՐ

Մոլդովա` Դատախազության աշխատողների օր, Ուկրաինա ` Հրշեջների օր:

ՀԱՅ-ՀԱՅԱՍՏԱՆ

1824 –վախճանվել է Մխիթարյան միաբանության վարդապետ, հայագետ Ստեփանոս Ագոնցը: 

1919– վախճանվել է մեծագույն պետական, քաղաքական և հասարակական գործիչ, Հայոց նորագույն պետականության հիմնադիր Արամ Մանուկյանը: 

1923 –կայացել է Երևանի պետական համալսարանի բանասիրական ֆակուլտետի հանդիսավոր բացումը: 

1928- բացվել է ՀԱՄԽ-ի առաջին շրջիկ թատրոնը: 

1932 - ծնվել է ռազմական գործիչ, գեներալ-լեյտենանտ Հրաչյա Անդրեասյանը: 

1951 - ծնվել է օպերային ճանաչված երգիչ, Երևանի Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Գեղամ Գրիգորյանը: 

1960 - ծնվել է Հայաստանի 12-րդ վարչապետ Տիգրան Սարգսյանը: 

1999 – վախճանվել է բանաստեղծուհի, թարգմանչուհի Մարո Մարգարյանը: 

2004-նախագահ Ռոբերտ Քոչարյանը Ազգային ժողովի խմբակցություններին է ներկայացրել Հայաստանում առաջին ՄԻՊ-ի՝ օմբուդսմենի թեկնածությունը. այդ պաշտոնում առաջարկվել է նախագահին կից մարդու իրավունքների պաշտպանության հանձնաժողովի անդամ Լարիսա Ալավերդյանը: 

2007- Շոտլանդիայի մայրաքաղաք Էդինբուրգում համագործակցության մասին համաձայնագիր է ստորագրվել Հայաստանի կառավարության և «Մայքրոսոֆթի» միջև: 

2014-ամերիկյան էներգետիկ ընկերությունը 250 միլիոն դոլարով ձեռք է բերել Հայաստանի խոշորագույն հիդրոէլեկտրակայանների համալիրը։ 

ԱՇԽԱՐՀ

1455 –ծնվել է գերմանացի փիլիսոփա և հումանիստ Յոհաննես Ռեուխլինը:

 1616 -նիդերլանդացի ծովագնացներ Լեմերն ու Սհաուտենը հայտնագործել են Հարավային Ամերիկայի ամենահարավային կետը՝ Հոռնի հրվանդանը: 

1635– Ֆրանսիայի կարդինալ Ռիշելիեն հիմնադրել է Ֆրանսիական ակադեմիան: 

1676 - Ֆեոդոր 3-րդը թագադրվել է Ռուսաստանի ցար: 

1688 - ծնվել է շվեդ գիտնական, փիլիսոփա, աստվածաբան Էմանուել Շվեդենբորգը: 

1737 -վախճանվել է բրիտանական բանակի առաջին ֆելդմարշալի կոչում ստացած գեներալ Ջորջ Դուգլաս-Համիլտոնը: 

1814 - Բրիեննեի ճակատամարտում Ֆրանսիան պարտության է մատնել Ռուսաստանին և Պրուսիային: 

1860 - ծնվել է ռուս գրող Անտոն Չեխովը: 

1861 - Կանզասը վավերացրել է ԱՄՆ Սահմանադրությունը և դարձել 34-րդ նահանգը: 

1866– ծնվել է ֆրանսիացի նշանավոր գրող, Նոբել յան մրցանակի դափնեկիր Ռոմեն Ռոլանը: 

1886– գերմանացի ինժեներ Կառլ Բենցը բենզինով աշխատող առաջին ավտոմեքենայի համար ստացել է արտոնագիր: 

1896 - Էմիլ Գրուբբեն առաջին անգամ օգտագործում է ռադիոակտիվ ճառագայթումը կրծքի քաղցկեղի բուժման նպատակով: 

1916 -տեղի է ունեցել գերմանական դիլիժաբլերի վերջին հարձակումը Փարիզի վրա: 

1919 -ԱՄՆ-ում ընդունվել է Սահմանադրության 18-րդ լրացումը, որն արգելում է սպիրտային խմիչքների արտադրությունը, տեղափոխումը և վաճառքը: 

1927 -Անգլիայում առաջին անգամ հայտնվել են հյուրանոցային համարներ լոգարաններով: 

1963 - վախճանվել է ամերիկացի պոետ Ռոբերտ Ֆրոստը: 

1964 - Ավստրիայի Ինսբրուք քաղաքում մեկնարկել են 9-րդ ձմեռային օլիմպիական խաղերը: 

1970 – վախճանվել է անգլիացի ռազմական պատմաբան Լիդդել Հարտը: 

1992– ստեղծվել է Ռոսատոմ ընկերությունը, որը հանդիսանում է Ռուսաստանի միջուկային համալիրը կարգավորող մարմին: 

1994– վախճանվել է թատրոնի և կինոյի ռուս նշանավոր դերասան Եվգենի Լեոնովը: 

2000 -Լաս Վեգասի խաղատներից մեկի մատուցողուհի Սինդիա Ջեյը «Մեկձեռքանի բանդիտ» ավտոմատով շահել է 35 միլիոն դոլար, որը խաղային ավտոմատներով ամենախոշոր շահումն է: 

2002– ԱՄՆ-ի նախագահ Ջորջ Բուշ կրտսերը գործածել է «Չարիքի առանցք» թևավոր դարձած արտահայտությունը՝ նկատի ունենալով Իրաքին, Իրանին և Հյուսիսային Կորեային:

 2010 -առաջին թռիչքն է իրականացրել հինգերորդ սերնդի ռուսական կործանիչ Су57-ը:

 

Կամո Խաչիկյան