Առաջին ամուսնական գիշերվա ամենաանսովոր ու վայրի ավանդույթները ամբողջ աշխարհից

Ոչ միայն ամուսնական, այլ նաև առաջին ամուսնական գիշերվա ավանդույթները աշխարհի տարբեր ծայրերում տարբեր են ու դրանց շնորհիվ հնարավոր է հասկանալ տվյալ վայրի զարգացվածության ու մտածողության աստիճանը։ Մենք առաջարկում ենք ծանոթանալ առաջին ամուսնական գիշերվա աշխարհի 6 ամենաանսովոր ավանդույթներին, որոնք ձեզ կապացուցեն, որ աշխարհն ու մարդիկ բազմազան ու բազմապիսի են։

Միջնադար Միջնադարը միշտ է առանձնացել իր ավանդույթներով, սակայն այս ժամանակաշրջանը հատկապես հայտնի է իր ամուսնական ավանդույթներով։ Շատ պատմաբաններ վստահեցնում են, որ Միջնադարում ամուսնական առաջին գիշերվա իրավունքը պատկանում էր կալվածատիրոջը։ Այսինքն , եթե ամուսնացողը հարուստ չէր, ապա նրա ապագա կնոջ հետ առաջին գիշերը պիտի անցկացներ իր տերը։ Այս ավանդույթը, որը մեր օրերում չափազանց դաժան ու վայրի կարող է ընկալվել, սակայն, ապացուցված չէ, որ գոյություն է ունեցել։ Մեզ են հասել մի քանի գիտական աշխատություններ ու պատմական վկայություններ, որ Միջնադարում մարդուն գնած հարուստը տիրանում էր նաև նրա կնոջ հետ առաջին գիշերն անցկացնելու իրավունքին, սակայն շատերը պնդում են, որ սրանք ուղղակի ենթադրություններ են կամ Միջնադարն ավելի վառ գույնով ներկայացնելու փորձեր։

Ֆիլիպիններ Ֆիլիպիններում առաջին ամուսնական գիշերը զույգը պետք է անցկացնի տարբեր սենյակներում։ Այստեղ հավատում են, որ խմած զույգի միասին լինելու պատճառով հնարավոր է , որ ծնվեն հիվանդ երեխաներ։ Ֆիլիպիններում հարսանիքից անմիջապես հետո հարազատները ուղեկցում են նորաստեղծ զույգին իրենց տուն։ Նրանք նրանց կողքն են անցկացնում ամբողջ գիշերը՝ համոզվելու համար, որ սիրահարները չեն առանձնանա իրենց սենյակում այդքան խմած վիճակում։

Բերբերի Բերբերին 7-րդ դարում իսլամ ընդունած և Հյուսիսային Աֆրիկայում ապրող ցեղերի ընդհանուր անունն է։ Նրանք առանձնանում են ոչ միայն իրենց ապրելաոճով ու մտածելակերպով , այլ նաև առաջին ամուսնական գիշերվա հետ կապված ոչ սովորական ավանդույթով։ Այս ցեղերում առաջին ամուսնական գիշերին պետք է մասնակից լինեն նաև ցեղի փորձառու զույգերը։ Այդպես նրանք կարող են համոզվել, որ նորաստեղծ զույգը ճիշտ է հետևում ամուսնական գիշերվա բոլոր արարողակարգերին ու չի խախտում իրենց ցեղի կանոները։

Քենյա և Ռուանդա Այս երկրներում դեռևս պահպանվում է հարսանեկան այն ավանդույթը, որ զույգերը կարող են ամուսնանալ նախօրոք պայմանավորվածության պատճառով ու իրար հանդիպել հենց հարսանիքի օրը։ Այս ավանդույթի շնորհիվ է, որ այս երկրներում ընդունված է , որ առաջին ամուսնական գիշերը պետք է անցնի միայն հարսի մոր՝ զոքանչի, ներկայությամբ։ Նա թաքնվում է զույգերի անկողնու տակ ու հետևում, որպեսզի նոր իրար հետ ծանոթացած զույգը չամաչի իրարից ու փեսան էլ հարգանքով վերաբերի իր աղջկան։

Նկոլե Ուգանդայի հարավ արևմուտքում բնակվող այս ցեղում ևս գործում է ամուսնական անսովոր ավանդույթ։ Այստեղ նորաստեղծ զույգը չի կարող իրար հետ անկողին կիսել մինչև որ փեսան իր առաջին ամուսնական գիշերը չանցկացնի աղջկա հարազատ կանանցից մեկի հետ, ով արդեն վաղուց ամուսնացած է։ Այս մեթոդով նրանք ուզում են հասկանալ արդյոք փեսան պատրաստ է ամուսնության և արդյոք նա կարող է այդքան մեծ պատասխանատվություն կրել իր վրա։ Միայն փեսայի հետ անկողինը կիսելուց հետո ցեղի վստահված կինը հայտնում է իր կարծիքը։ Եթե կարծիքը բացասական է, ապա հարսանիքը չեղյալ է համարվում։

Կորեա Այստեղ ևս գործում է ամուսնական մի ավանդույթ։ Հարսանիքից հետո հարսը գնում է իր ապագա սենյակ, սակայն փեսան մնում է իր ընկերների հետ։ Նրանք բոլորով հավաքվում ու հանում են փեսայի նասկիները, քանի որ վստահ են, որ նասկիներով հարսի մոտ գնալը սիրուն չէ։ Դրանից հետո նրանք ձկներով հարվածում են փեսայի բաց ոտքերին ու նրան տարբեր հարցեր տալիս։ Միայն այդ բոլոր հարցերին պատասխանելուց հետո է փեսան իրավունք ստանում գնալ իր սենյակ։ Եթե հարցերի պատասխանները սխալ են լինում, փեսայի ընկերներն ավելի ուժեղ են սկսում հարվածել նրա ոտքերին։ Ըստ ավանդության առաջին ամուսնական գիշերն արվող այս արարողությունը օգնում է փեսային ավելի սթափ մնալ։ Նյութի աղբյուրը` YN.am