Կանադայի «Միսս աշխարհ»-ին թույլ չեն տվել ներկայանալ Չինաստանում կայանալիք գեղեցկության մրցույթի եզրափակչին

Չինաստանում ծնված Կանադայի «Միսս աշխարհ» մրցույթի մասնակցին կանգնեցրել են Հոնգկոնգում և թույլ չեն տվել ինքնաթիռ նստել,-գրում է Past.am-ը: Նա գնում էր Չինաստանում կայանալիք գեղեցկության մրցույթի եզրափակչին մասնակցելու: Ըստ նրա՝ դա պատիժ էր այն բանի համար, որ ինքը դեմ է հանդես եկել մարդկանց իրավունքների ոտնահարմանը: 25-ամյա Անաստասիա Լին տորոնտացի դերասանուհի է, ում ընտրել էին որպես Կանադայի «Միսս աշխարհ«, և նա չկարողացավ ներկա գտնվել եզրափակիչ փուլին:

Առաջնորդվելով այն օրենքով, որը թույլ է տալիս կանադացիներին այցագիր ձեռք բերել Չինաստան ժամանելուց անմիջապես հետո, աղջիկը փորձել է մուտք գործել երկիր: Լին, ով կրոնական խմբի անդամ է (այն ճնշվում է Չինաստանում), Հոնգկոնգի միջազային օդանավակայանում պատմել է լրագրողներին, որ իրեն չեն թույլատրել թռչել Սանյա: Չինական իշխանությունների կողմից դեռ արձագանք չի եղել: «Չինական դեսպանատունը չի արձագանքել: Ես կարծում եմ՝ սա հստակ մարտավարություն է, նրանք պարզապես ուզում են՝ այս ամենը անցնի ու գնա»,- ասել է Լին:

«Շատ դժվար է պայքարել այն ամենի համար, ինչին հավատում ես: Ես պետք է մտածեմ, թե որը կլինի իմ հաջորդ քայլը»,- ասել է նա: Հուլիսին կայացած ընտրական լսումների ժամանակ Լին հաստատել էր Չինաստանում կրոնական հալածանքների մասին փաստը: Իր խոսքի ընթացքում նա ասել էր, որ ուզում է «խոսել բոլոր նրանց անունից, ովքեր Չինաստանում ծեծի են ենթարկվում, այրվում ու էլեկտրահարվում են իրենց հավատի պատճառով»: Նա նաև տեղեկացրել է, որ իր խոսքերից հետո չինական իշխանությունը ճնշումներ են գործադրել իր հոր նկատմամբ:

Այս դեպքի մասին Չինաստանի արտգործնախարարության մամլո խոսնակը չի խոսել: «Միսս աշխարհ» մրցույթի կազմակերպիչները հայտնել են, որ գաղափար չունեն, թե ինչու աղջկան այցագիր չեն տվել: