ՊԱՏՄՈՒԹՅԱՆ ԱՅՍ ՕՐԸ (24 ԴԵԿՏԵՄԲԵՐԻ)․ Հրդեհ է բռնկվել «Նա­ի­րիտ» գոր­ծա­րա­նում

ՏՈՆԵՐ

Ռուսաստան՝ Ռազմական փառքի օր, Ուկրաինա՝ արխիվային աշխատողի օր, Մերձդնեստր՝ Սահմանադրության օր: 

ՀԱՅ-ՀԱՅԱՍՏԱՆ

 1888 -վախճանվել է հայազգի պետական և ռազմական գործիչ, գեներալ Միխայիլ Լորիս-Մելիքովը: 

1895– ծնվել է գրող և ճարտարագետ, հայկական նորագույն զինյալ ազատագրական պայքարի հերոս, Հայաստանի ազատագրության գաղտնի բանակի հիմնադիրներից մեկը՝ Գուրգեն Յանիկյանը: 

1919 - ծնվել է հայ խորհրդային փիլիսոփա Մեհենդակ Մելիքյանը: 

1968 - ծնվել է գեղանկարիչ Պետրոս Պետրոսյանը: 

1974– վախճանվել է հայ լուսանկարիչ Իդա Քարը (Քարամյան): 

1940 –վախճանվել է խորհրդահայ ռազմական գործիչ, քաղաքացիական պատերազմի հերոս Գասպար Ոսկանյանը: 

2006- առավոտյան ժամը 9:00-ի սահմաններում Երևանի «Նաիրիտ» ՓԲԸ արտադրամասերից մեկում բռնկվել է հրդեհ, այրվել են լաք էթինոլ տեսակի քիմիական նյութի երկու ռեզերվուար՝ յուրաքանչյուրը 300 տոննա տարողությամբ: 

2010- Հայ բնապահպանները բողոքի ցույց են անցկացրել Երևանում բացված դելֆինարիումի դեմ: 

2012-Լևոն Տեր-Պետրոսյանը հայտարարել է, որ չի առաջադրվի առաջիկա ընտրություններին և «ասպարեզը զիջում է ավելի երիտասարդներին»:

2013- Մոսկվայում կայացել է ԵԱՏՄ բարձրագույն խորհրդի նիստ, որտեղ հաստատվել է մաքսային միությանը և Բելառուսի, Ղազախստանի ու Ռուսաստանի միասնական տնտեսական տարածքին Հայաստանի միանալու միջոցառումների ծրագիրը («ճանապարհային քարտեզը»):

ԱՇԽԱՐՀ

1167 -ծնվել է Անգլիայի թագավոր Հովհաննես Անհողը: 

1294 -կարդինալների կոնկլավը նոր Հռոմի պապ է ընտրել կարդինալ Բենեդետտո Կաետանիին, որն ընդունել է Հռոմի պապ Բոնիֆացի 8-րդ անունը: 

1777– Ջեյմս Կուկը հայտնաբերել է ամենամեծ ատոլային կղզին` Կիրաբատի կղզախմբի Սուրբ ծննդյան կղզին: 

1801 -անգլիացի մեխանիկ-նախագծող Ռիչարդ Տրեվետնիկը ցուցադրել է իր ստեղծած առաջին շոգեավտոմեքենան: 

1811 -Յուտլանդիայի ափերի մոտ խորտակվել են «Defence» և «St-George» գծային նավերը, զոհվել է 1318 մարդ: 

1818-ծնվել է անգլիացի հանրահայտ ֆիզիկոս Ջեյմս Պրեսկոտտ Ջոուլը: 

1822 –ծնվել է անգլիացի բանաստեղծ և արվեստի տեսաբան Մեթյու Առնոլդը։ 

1865 -ԱՄՆ-ում հիմնադրվել է Կու-ԿլուքսԿլան կազմակերպությունը: 

1868– ծնվել է գերմանացի նշանավոր շախմատիստ, շախմատի աշխարհի 3-րդ չեմպիոն Էմանուել Լասկերը: 

1872 -վախճանվել է անգլիացի ֆիզիկոս, թերմոդինամիկայի և շոգեմեքենաների տեսության հիմնադիր Ուիլամ Ռանկինը: 

1889 -վախճանվել է բժիշկ-թերապևտ, ռուսակակն բժշկության դասական, հասարակական գործիչ Սերգեյ Բոտկինը: 

1900 -արտասահմանում լույս է տեսել Ռուսաստանի սոցիալ-դեմոկրատական կուսակցության «Искра» թերթի առաջին համարը: 

1905- հիմնադրվել է Սան Պաուլու նահանգի պատկերասրահը: 

1906– ծնվել է անգլիացի դետեկտիվ գրող Ջեյմս Հադլեյ Չեյզը: 

1914– Առաջին համաշխարհային պատերազմի ժամանակ սկսվել է Սուրբ ծննդյան հրադադարը: 1924 -Ալբանիան դարձել է հանրապետություն: 

1942-Երկրորդ համաշխարհային պատերազմի ժամանակ խորհրդային բանակի 24րդ տանկային կորպուսը «Փոքր Սատուրն» օպերացիայի ընթացքում գրավել է Տացինյան կայարանը և ոչնչացրել դրա մոտ գտնվող օդանավակայանը, որի միջոցով գերմանացիները իրականացնում էին Ստալինգրադի տակ շրջապատված 6-րդ բանակի մատակարարումը: 

1943 -Երկրորդ համաշխարհային պատերազմի ժամանակ սկսվել է խորհրդային զորքերի խոշորագույն «Աջափնյա Ուկրաինա» հարձակողական օպերացիան: 

1951– Լիբիան անկախացել է Միացյալ Թագավորությունից և Ֆրանսիայից: 

1979 -կայացել է ֆրանսիական «Արիան» հրթիռակրիչի առաջին հաջողված փորձարկումը: 

1981– ծնվել է ռուս ճանաչված երգիչ, Եվրատեսիլի հաղթող Դիմա Բիլանը: 

1982 - վախճանվել է ֆրանսիացի գրող և քաղաքական գործիչ, սյուրռեալիզմի հիմնադիր Լուի Արագոնը: 

1982 -կայացել է ռազմա-տրանսպորտային Ан-124 «Ռուսլան» ինքնաթիռի փորձնական օրինակի առաջին թռիչքը: 

1991 - ծնվել է անգլիացի երգահան, դերասան և One Direction հայտնի խմբի անդամ Լուի Թոմլինսոնը: 

1991 -Ռուսաստանի Ֆեդերացիան փոխարինել է ԽՍՀՄ-ին ՄԱԿ-ում: 

1997– վախճանվել է ճապոնացի դերասան Տոսիրո Միֆունեն, որը հայտնի է Ակիրա Կուրոսավայի ֆիլմերից: 

2011 -108 տարեկան հասակում վախճանվել է հոլանդացի և ավստրիացի դերասան և երգիչ Յոհաննես Հեստերսը, որը մտել է Գիննեսի ռեկորդների գիրք՝ որպես ամենատարեց գործող դերասան: