Յուրաքանչյուր կին ունի իր հմայքը՝ ըստ հորոսկոպի նշանի. իսկ ո՞րն է քոնը

 

Յուրաքանչյուր կին ունի իր հմայքը՝ ըստ հորոսկոպի նշանի, բայց շատերն իրենց առանձնահատկությունը որպես թերություն են ընդունում։ Իմացեք՝ որն է ձեր հմայիչ կողմը, ու սկսեք օգտագործել ձեր այդ յուրահատկությունը։ Ինքդ քեզ ճիշտ ներկայացնել կարողանալը գրավիչ ու հմայիչ կանանց մեծ տաղանդն է։ Գեղեցկությունն առաջին հերթին արտահայտվում է ինդիվիդուալության ու ինքնավստահության մեջ։

Խոյ: Կին Խոյը փորձում է կյանքից ստանալ ամեն ինչ. նա ամբիցիոզ է, նպատակասլաց, բայց միևնույն ժամանակ՝ նվիրված ու անօգնական։ Այս վառ անհատականությունն ունիկալ է հաղթանակի ձգտումով ու հզոր կամքի ուժով։ Խոյի ներսում ապրում է անպաշտպան աղջիկ, ում սեր և ըմբռնում է հարկավոր։ Այս կնոջ հմայքը նրա անհաղթահարելի ցանկությունն է՝ կյանքից ստանալ ամեն ինչ։

Ցուլ: Կին Ցուլն ունիկալ է իր ներքին փափկությամբ ու մեծ գրավչությամբ։ Այս ուժեղ անհատականությունը բոլորին փափուկ, նուրբ ու խոցելի է թվում։ Ցուլ կինը հազվադեպ է վեճեր ստեղծում ու փորձում է ամեն կերպ խաղաղ հարաբերություններ պահել։

Երկվորյակ: Կին Երկվորյակն ունիկալ է իր բազմատոնությամբ։ Նա միշտ ուրիշ է, իսկ դա գրավում է տղամարդկանց։ Երկվորյակների հմայքը նրանց գայթակղությունն է ու լավ զրուցակից լինելը։ Այս կինն այնքան անկանխատեսելի է, որ երբեք չգիտես՝ ինչպիսին կլինի այս անգամ։

Խեցգետին: Կին Խեցգետինը զգացմունքային է, գրավիչ ու ամաչկոտ։ Նա իր շուրջ փափուկ, հարմարավետ ու ջերմ մթնոլորտ է ստեղծում։ Նա ձեզ կպարուրի ջերմությամբ ու հոգատարությամբ։ Այս կինը գրավիչ է, բայց վառ չէ։ Դրանում էլ նրա հմայքն է. միշտ հանելուկային է մնում։

Առյուծ: Կին Առյուծն անհավանական հմայք ունի, հատկապես երբ ժպտում է։ Կարող է թվալ, ասես նա շողում է ուրախությունից ու բոլորին հիացնում իր շողերով։ Այս կինն ունակ է իր շուրջ ստեղծել սիրո ու երջանկության շրջանակ, որ ձգում է տղամարդկանց։

Կույս: Կին Կույսը կարողանում է իրեն ներկայացնել լավագույն լույսի ներքո։ Այս գրավիչ անհատականությունը հիանալի տեսք է ունենում խնամքի ու լավ ճաշակի միջոցով։ Նրանից թարմություն ու խելքահան անող գեղեցկություն է գալիս։ Կույս կինն ընդմիշտ կմնա ձեր հիշողության մեջ. անհնար է նրան մոռանալը։

Կշեռք: Կին Կշեռքն անհավանական գրավիչ է։ Նա շատ արտիստիկ, արտահայտիչ անհատականություն է. նրբագեղ է, էլեգանտ և շատ կանացի։ Նրանից թարմություն, երիտասարդություն, կենսունակություն ու էներգիա է դուրս ցայտում։ Կշեռք կնոջ կողքին արթնանում է ոգեշնչում. նա շատ սեքսուալ է, նրա խորաթափանց հայացքն անհնար է մոռանալ։

Կարիճ: Կին Կարիճը շատ գրավիչ է ու սեքսուալ։ Տղամարդկանց աչքերում նա վտանգավոր ու անհասանելի է։ Այս կինը թուլամորթների համար չէ։ Կարիճի կողքին հնարավոր չէ հանգստանալ, նա միշտ լարված է պահում ու դրանով ավելի է գրավում։ Կարիճ կնոջ հմայքը նրա ներքին ինքնավստահության ու չբացահայտված հանելուկ լինելու մեջ է։

Աղեղնավոր: Կին Աղեղնավորը կարող է իրեն թույլ տալ ամեն ինչ՝ լինել չկրկնվող, չփորձել ինչ-որ մեկին դուր գալ, չփորձել ինչ-որ բան ցույց տալ։ Ցանկացած դեպքում նա անհավանական գեղեցիկ ու խարիզմատիկ է։ Նրա հմայքը լավատեսությունն է։ Կարողանում է իր շուրջն ուրախ ու թեթև տրամադրություն ստեղծել։ Նրա կողքին ամեն ինչ հնարավոր է համարվում։

Այծեղջյուր: Կին Այծեղջյուրը մեծ ներքին ուժ ունի, որը նրան առանձնացնում է մյուսներից։ Նա բավականին նպատակասլաց է ու ինքնավստահ. դա նրան յուրահատուկ հմայք է պարգևում։ Կին Այծեղջյուրը գեղեցիկ է իր խստության, դաստիարակվածության, համառության ու կրթվածության մեջ։ Նա մնում է գրավիչ ու նուրբ, նույնիսկ երբ հասնում է իր նպատակներին անկոտրուն ուժի միջոցով։

Ջրհոս: Կին Ջրհոսը գեղեցիկ է իր անհասանելիության, օրիգինալության ու ամեն ինչին ստեղծագործ մոտեցման մեջ։ Այս անհատականությունը ձգտում է ազատության ու անկախության, ինչը շատ է գրավում տղամարդկանց։ Նա տաղանդավոր է և հետաքրքրասեր։ Ջրհոս կնոջ կողքին միշտ հետաքրքիր է ու հեշտ, նրա հետ շփումը տոն է։ Այս կանանց հմայքն ազատության հանդեպ սերն է։

Ձկներ: Ձուկ կինը գրավիչ է իր անպաշտպանության ու ձևականություններից ազատ լինելու շնորհիվ։ Նա առեղծվածային է ու անհասանելի, նրան հասկանալը հնարավոր չէ, այդ պատճառով մնում է միայն սիրել նրան ու անընդհատ զարմանալ։ Ձուկ կանայք շատ հանելուկային ու նուրբ արարածներ են։ Նրա հմայքը կանացի լինելու մեջ է։