«Համարձակ ծիծաղում եմ ինքս իմ վրա». Ռաֆայել Երանոսյանը «tRaffik» ներկայացման և ունեցած հաջողությունների մասին

Քիչ կան ներկայացումներ, երբ տոմս ես գնում որպեսզի գնաս հոգնածությունդ ու հոգսերդ մոռանալու համար: Կա մի ներկայացում, որին ներկա գտնվելով ծիծաղում ես անհագ, անսպառ ու երևի չես էլ նկատում, թե ինչպես է Ռաֆայել Երանոսյանը նրբորեն և վարպետորեն բեմից ներկայացնում իմ, քո և մյուսների առօրյա խնդիրներն ու հոգսերը:

Բեմից ուղղակի խոսում է, հեգնում, երգում ու նաև պատմում իր մասին : 

Past.am-ը զրուցել է Ռաֆայել Երանոսյանի հետ «tRaffik»-ի ունեցած հաջողության մասին:

- Ռաֆայել արդեն որքա՞ն ժամանակ է կյանք ունի ստենդափը:

- Արդեն մեկ տարի խաղում եմ «tRaffik»: Ամիսը երեք ներկայացում Բոհեմ թատրոնում, մեկնել եմ ԱՄՆ, այնտեղ ունեցել չորս ելույթ բավականին մեծ դահլիճներու, հետո երկու համերգով Եվրոպա` Հոլանդիա, Բրյուսել, հունվարին «tRaffik»-ով կլինեմ Թբիլիսիում, ապա կմեկնեմ Մոսկվա:

- Ելույթիդ ժամանակ բեմից նկատում ես ամեն ինչ, արագ արձագանքում ես հանդիսատեսի արարքին, պահվածքին: 

- Հա, ճիշտ եք, այդպես է: Հիմքում նույն պատմությունն է , բայց ամեն անգամ նույնը չի լինում ելույթս , քանի որ ես անդրադառնում եմ տվյալ պահին Երևանում տեղի ունեցածին կամ այն փոքր դեպքին, որ կարող է առաջանալ հենց դահլիճում :

- Ուրախ, սրտաբաց, թեթև, անկեղծ ու արդեն նաև անկանխատեսելի ներկայացման հաջողության գրավականը ո՞րն է:

- Ես համարձակ ծիծաղում եմ ինձ վրա, և մարդկանց այն տեսակի, որ կան իրականության մեջ: Այստեղ ոչինչ հորինված չէ, իմ կյանքն է ուրախ և տխուր միջադեպերով, ես եմ Ձեր Ռաֆոն: 

- Մեր Ռաֆոն առհասարակ ի՞նչ զբաղվածությամբ է աշխատում:

- Կամեռային պետական թատրոնում, Բոհեմ թատրոնում, միասին զբաղվածություն ունեմ վեց ներկայացման մեջ:

- Քո ներաշխարհում խաղացածդ կերպարները մրցակցություն ունե՞ն իրար հետ: 

- Բոլոր կերպարներիս հավասար եմ վերաբերվում, չկա մրցակցություն:

- Ամանորին կուրախացնե՞ս մեզ: 

- Կլինեմ գրեթե բոլոր հեռուստաընկերությունների ամանորյա ծրագրում, ինչպես նաև հրավիրված եմ կորպորատիվների տարբեր ժամանցի վայրերում: