Հայտնի են ամուսնության ամենաերջանիկ և ամենածանր տարիները

Առավել մանրամասն՝Այստեղ  

Ոչ բոլոր զույգերն են գիտակցում, որ ընտանիքը երկկողմանի ջանքերի ներդրում է պահանջում: Վերջին տվյալների համաձայն՝ Եվրոպայում 2,1 միլիոն ամուսնություններից 950 հազարը ավարտվում է ամուսնալուծությամբ: Slater & Gordon ընկերության մասնագետները պարզել են, թե ամուսնության որերորդ տարին է համարվում ամենածանրը, և որերորդը՝ ամենաերջանիկը:

 

3 տարի

Հարաբերությունների 3-րդ տարվանից հետո մարդիկ ամենից առաջ համակերպվում են զուգընկերոջ թերությունների հետ, և նրանց կյանքը ավելի հարմարավետ է դառնում: Շատ հաճախ ընտանեկան կյանքի երրորդ տարում զույգը երեխա է ունենում, և նրանց հարաբերությունները միայն ամրապնդվում են:

Ամուսնության հենց երրորդ տարին է համարվում ամենաերջանիկը:

5 տարի

Առաջին, իրապես լուրջ խնդիրները սկսվում են ամուսնական կյանքի հինգերորդ տարում: Երեխաները դեռ չեն մեծացել և մեծ դժվարություններ են առաջացնում, որոնք միախառնվում են աշխատավայրի խնդիրների, տնային դժվարությունների հետ, և ընդհանուր առմամբ մեծ ծանրաբեռնվածություն է առաջանում:

Հարաբերությունների այս տարին ամենաբարդն է համարվում:

7 տարի

Համատեղ կյանքի յոթերորդ տարին հետազոտողները անվանում են ինքնատիպ պատ, որը զույգերը պետք է հաղթահարեն: Սա բարդ շրջան է, բայց եթե զույգերը գլուխ հանեն, ապա առջևում նրանց սպասվում է ամուր ու երջանիկ ամուսնություն:

Գործոններ, որոնցից պետք է խուսափել ամուսնությունը պահպանելու համար

• Չարդարացված սպասումներ
• Խնդիրների չբարձրաձայնում
• Հարաբերությունները վերականգնելու անկարողություն կամ ցանկության բացակայություն
• Լսելու ցանկության բացակայություն
• «Կյանքը» սոցիալական կայքերում
• Ֆինանսական խնդիրներ
• Կրթության բացակայություն