Կենդանակերպի որ նշանների տակ ծնվածները որտեղ են սիրում հանգստանալ ձմռանը

metronews.ru-ն «Հայտնի է դարձել, թե կենդանակերպի տարբեր նշանների ներկայացուցիչները որտեղ են ձմռանը հանգստանում» վերնագրով հոդվածում գրում է, որ պարզվում է՝ կենդանակերպի տարբեր նշանների ներկայացուցիչները ձմռանը ճանապարհորդելու համար տարբեր ուղղություններ են ընտրում: 

Այս մասին հայտնել են Tutu.ru զբոսաշրջային ծառայության մասնագետները: 

Նրանք իրենց հետազոտության ընթացքում վերլուծել են ձմռան ընթացքում ավիատոմսերի ամրագրումները: 

Ընդ որում, պարզվել է, որ ամենահաճախ ձմեռային զբոսաշրջության մեկնողները «խեցգետիններն» են, իսկ ամենապասիվները՝ «կարիճները»: 

Միևնույն ժամանակ, կենդանակերպի յուրաքանչյուր նշան ունի իր «ձմեռելու» սիրած երկրները: Առավել բազմակողմանի ճանապարհորդները «ցուլերն» են. նրանց ուղղություններն են Չեխիան, Իտալիան, Բելառուսը, Ավստրիան, Մեծ Բրիտանիան և Չինաստանը: «Խեցգետինները» նախընտրում են Ռուսաստանը, Ուզբեկստանը, Մոլդովան, Ուկրաինան, Հունաստանը և ԱՄՆ-ը:

 «Երկվորյակների» սիրած երկրներն են Ֆրանսիան, Հնդկաստանը, Վիետնամը և Հունգարիան: «Ջրհոսները» հակված են թռչել ԱՄԷ և Շվեյցարիա, իսկ «առյուծները»՝ Գերմանիա, Իսրայել և Շրի Լանկա:

 «Այծեղջյուրներին» շատ կարելի է հանդիպել այն ինքնաթիռներում, որոնք թռչելու են Հայաստան և Ղազախստան, իսկ «աղեղնավորներին»՝ Պորտուգալիա: «Խոյերը» նախընտրում են ձմռանը ուղևորվել Լատվիա, իսկ «կույսերը»՝ Ղըրղըզստան: 

Միայն «կարիճներն» են, որ չունեն «ձմեռելու» սիրած երկիր:

Կամո Խաչիկյան