Մենչի նոր բացահայտումները «Ֆուլ Yere1»-ի էքսպերիմենտալ միքսի ու կերպարների մասին (ֆոտո)

ԼԱՅՖ 3 Հոկտեմբեր, 2019 17:18

Արդեն հայտնի ու հեռուստադիտողի կողմից սիրված կերպարները՝ նոր իրավիճակներում եւ նոր արկածներով. հոկտեմբերի 7-ից «Արմենիա TV»-ի եթերում կմեկնարի նոր սիթքոմ՝ «Ֆուլ Yere1»։ Բացի Լիայից նախագծում ներառված են նաեւ Քրիստինա Եղոյանը, Գարիկ Սեփխանյանը, Գրիգոր Դանիելյանը, Գոռ Հակոբյանը, Աղաս Մանուկյանը, Մոսո Կարապետյանը եւ այլք: Կպահպանվի նաեւ «Ֆուլ Հաուս»-ի գլխավոր «մեղավորի»՝ Սերգեյի կերպարը, որին կրկին կմարմնավորի Մենչը:

Մինչ նախագծի եթերային մեկնարկը NEWS.am STYLE-ը զրուցել է Արմեն Պետրոսյանի հետ՝ պարզելու, թե ինչ զարգացումներ են սպասվում երկու հայտնի նախագծերի նոր միքսում:

«Մեզ համար սա էքսպերիմենտալ նախագիծ է, որովհետեւ հայկական հեռուստատեսության մեջ դեռ նմանատիպ փորձ չի եղել, որ միքսվեն երկու նախագծերն ու արվի նորը: Քանի որ երկուսն էլ մեր նախագծերն են եղել ու յուրաքանչյուրն իր ժամանակին եղել է բավականին հաջողված, որոշեցինք միքսել` վերցնելով «Yere1»-ի ֆորմատն ու «Ֆուլ Հաուս»-ի հերոսներին: Այս նախագիծն ամբողջովին տարբերվելու է «Ֆուլ Հաուս»-ից եւ «Yere1»-ից: Միայն պահպանվելու են կերպարները»:

Իսկ առանցքային կերպարները «Ֆուլ Հաուս»-ի սիրելի դեմքներն են՝ Ռուբենը, Զառան, Մուշեղը, Ֆելոն, Կամոն, Սերգեյը եւ Հրաչը:

«Կերպարները, քիչ, թե շատ, արդեն ծանոթ են հեռուստադիողին, բայց բոլորը հայտնվում են այնպիսի իրավիճակներում, որոնցում նրանց չեն տեսել «Ֆուլ Հաուս»-ի շրջանակում, որն էլ հնարավորություն կտա նրանց նորովի բացահայտելու: Կարծում եմ` հեռուստադիտողի համար դա հետաքրքիր կլինի: Նույնը վերաբերում է նաեւ Սերգեյի կերպարին, իրավիճակն այլ է, այնպես որ` իմ կերպարն էլ նորովի կներկայանա»:

Հարցին՝ արդյոք նոր սիթքոմին կհաջողվի՞ գրանցել «Ֆուլ Հաուսի» հաջողությունը, Մենչը պատասխանեց.

«Մենք չենք ուզում գրանցել որեւէ ծրագրի հաջողություն, պարզապես ցանկանում ենք, որ ծրագիրը հաջողություն ունենա, բայց ոչ թե համեմատական կարգով, այլ` ինքն իրենով: Նախ` այս նախագծերը համեմատելու ենթակա չեն, որովհետեւ շատ տարբեր են ֆորմատով, բացի այդ՝ կարեւոր է, որ հեռուստադիտողը ոչ թե սկսի համեմատել այս նախագծերը, այլ նստի, դիտի ու վայելի այդ 30 րոպեները

շարունակությունը՝ այստեղ