Դի­լի­ջա­նյան էքս­կուրս­ներ «Մի­մի­նո­յի» հետ­քե­րով

mir24.tv-ն «Դիլիջանում կազմակերպել են էքսկուրսիա «Միմինո» ֆիլմի հետքերով» վերնագրով հոդվածում գրում է, որ խորհրդային հանրահայտ «Միմինո» ֆիլմից մեջբերումներ կատարել սիրում են հատկապես երեք երկրներում ոչ միայն այն պատճառով, որ Դանելիայի այս ֆիլմը երեք ժողովուրդների՝ վրացիների, հայերի և ռուսների բարեկամության մասին է, այլ նաև այն պատճառով, որ ֆիլմի գլխավոր դերակատարներ են եղել փայլուն դերասաններ Վախթանգ Կիկաբիձեն, Ֆրունզիկ Մկրտչյանը և Եվգենի Լեոնովը: Դիլիջանում այս եռյակը բրոնզե արձան ունի, և անգամ գոյություն ունի հատուկ երթուղի, որի հիմքում ֆիլմի ամենահանրահայտ արտահայտություններն են:

Եռյակի բրոնզե արձանների մոտ բրոնզե ծորակից համեղագույն խմելու ջուր է հոսում: Իհարկե, 70-ականներին դիլիջանյան ջուրը Հայստանի ոչ ամենահամով ջուրն էր, բայց եթե Ֆրունզիկը այդպես է ասել, ապա դա այդպես էլ կա: Տոլմա եփել Դիլիջանում սովորեցնում են հարյուրավոր զբոսաշրջիկների: Խոհարարը սովորեցնում է, որ յուրաքանչյուր խաղողի տերևի մեջ պետք է լցոնել նաև հոգու մի մասնիկը, և միայն այդ դեպքում տոլման համեղ կստացվի: Դիլիջանում պարտադիր է Արհեստավորների փողոցում լինելը, դա անգամ քաղաքի այցեքարտն է դարձել: Այստեղ աշխատում են լավագույն բրուտները և զարդագործները: 

Ընդ որում, զբոսաշրջիկները կարող են իրենց ձեռքերով ինչ-որ զարդեր պատրաստել: Այնուամենայնիվ, Դիլիջանը հանրահայտ է որպես առողջարանային քաղաք: Այն չորս կողմից շրջապատված է Հարավային Կովկասում հնագույն արգելոցային սոճու անտառներով:

Կամո Խաչիկյան