Ռուբլիից մինչև շվեյցարական ֆրանկ ու ֆունտ ստեռլինգ. փոխնախարարի ունեցվածը

Էկոնոմիկայի նախարարի նորանշանակ տեղակալ Արտակ Քամալ յանը հայտարարագրել է բաժնետոմսեր, ինչպես նաև ներկայացրել տվյալներ 2018 թվականին ստացած եկամուտների և դրամական միջոցների մասին:

Նշենք, որ Ա. Քամալ յանը մինչ Էկոնոմիկայի փոխնախարարի պաշտոնին նշանակվելը գյուղատնտեսության նախարարի տեղակալն էր:

Բարձրաստիճան պաշտոնատար անձանց էթիկայի հանձնաժողովի պաշտոնական կայքում հրապարակված 2018թ. տարեկան հայտարարագրի համաձայն՝ Ա. Քարամյանի բաժնետոմսերի գինը 2018թ. հարկային տարվա սկզբում կազմել է շուրջ 52 665 ԱՄՆ դոլար, շուրջ 9983 ԱՄՆ դոլար և շուրջ 29 077 ԱՄՆ դոլար: 2018թ. հարկային տարվա վերջում բաժնետոմսերի գինը կազմել է շուրջ 74 022 ԱՄՆ դոլար և շուրջ 45 050 ԱՄՆ դոլար:

Նրա դրամական միջոցները 2018թ. հարկային տարվա սկզբում կազմել են 1100 Ֆունտ ստեռլինգ, 24 500 շվեյցարական ֆրանկ, 145 000 եվրո և 393 000 ԱՄՆ դոլար: 2018թ. հարկային տարվա վերջում դրամական միջոցները կազմել են 198 705 ՀՀ դրամ, 2 ֆունտ ստեռլինգ, 46 500 շվեյցարական ֆրանկ, 112 000 եվրո, 187 310 ԱՄՆ դոլար:

Ինչ վերաբերում է եկամուտներին, ապա Ա. Քամալ յանի ստացած 1 958 751 ՀՀ դրամ եկամուտը գոյացել է աշխատավարձից: Նա ստացել է նաև 224 109 ռուբլի և 141 000 ռուբլի եկամուտ, որոնք գոյացել են աշխատավարձերից, իսկ 828 980 ռուբլին գոյացել է այլ եկամուտներից:

ԱՆՆԱ ԲԱԴԱԼՅԱՆ