Անկախության ձեռքբերման ճանապարհին Անդրկովկասում ամենաանպատրաստը հայերն էին, եղած խնդիրները շատ էին. պատմաբանն՝ Առաջին Հանրապետության մասին (տեսանյութ)

1917 թ. վերջերին գործնականում իրադարձությունները հանգեցրին նրան, որ Անդրկովկասյան սեյմը 1918 թ. մայիսի կեսերին կանգնեց անխուսափելի մի վիճակի առաջ, երբ ամեն մեկը պետք է իր հարցը լուծեր: Բնականաբար, նրանք պարտադրված կանգնեցին ազգային անկախ պետությունների ճանապարհին, որին ամենաանպատրաստը հայերն էին:

Tert.am-ի հետ զրույցում, խոսելով հայկական պետականության վերականգնման, Հայաստանի Առաջին Հանրապետության ստեղծման ու նրա կառավարման մասին, ասաց պատմական գիտությունների դոկտոր, պրոֆեսոր Վանիկ Վիրաբյանը:

Նրա խոսքով՝ Հայաստանի առաջին Հանրապետության կառավարության առաջ ծառացած էր մի քանի բարդ խնդիր.

«Կառավարությունը ցանկանում էր կադրային հարցեր լուծել, արտասահմանից մարդկանց Հայաստանում աշխատելու հրավիրելով, հանդիպում էին մերժման։ Իսկ թիֆլիսյան հայ մտավորականությունն, անշուշտ, տխուր պատկեր ցույց տվեց: Առաջին Հանրապետության հռչակումից հետո նրանք չէին ցանկանում իրենց թիֆլիսյան ապահով կյանքը թողնել ու գալ, ապրել նորանկախ Հայաստանում։ Քաջազնունին ուլտիմատում ներկայացրեց՝ կա՛մ հրաժարական է տալիս, կա՛մ գալիս են Հայաստան»։

Դիտարկմանը՝ հայ պատմագրության մեջ կան կարծիքներ, ըստ որի, դիվանագիտական ճիշտ քաղաքականության դեպքում հնարավոր կլիներ խուսափել տարածքային խնդիրների առաջացումից, Վիրաբյանն ասաց՝ այդ ժամանակահատվածում Հայաստանը երբեմն զիջողական պատրաստակամություն էր դրսևորում, դա արտահայտվել է հատկապես 1919-20 թթ.։

Մանրամասները՝ տեսանյութում։