8 հայտնի փախստականներ, ովքեր անջնջելի հետք են թողել պատմության մեջ

Blognews.am-ը գրում է.

Այս մարդիկ ստիպված են եղել լքել իրենց հայրենիքն ու ապաստանել օտար երկրներում՝ պատերազմներից, բռնություններից ու հալածանքներից փախչելով, սակայն նրանք թույլ չեն տվել, որ այս ծանր իրավիճակները որոշեն նրանց ճակատագիրն, ու իրենց անջնջելի հետքն են թողել պատմության մեջ:

Զիգմունդ Ֆրեյդ

Հոգեվերլուծության հայրը համարվող Ֆրեյդը, ով մշակել է հոգեկան խանգարումների բուժման մեթոդները հիվանդի և հոգեվերլուծաբանի երկխոսության միջոցով, ում աշխատությունները նվիրված էին հոգեբանության գիտությանը, փախուստի դիմեց Ավստրայից այն բանից հետո, երբ երկիրը հարձակման ենթարկվեց նացիստական Գերմանիայի կողմից: 79 տարի իր երկրում ապրելուց հետո նա մեկնեց Լոնդոն, որտեղ էլ մահացավ որպես գաղթական:

Կառլ Մարքս

Կառլ Մարքսը գերմանացի փիլիսոփա, տնտեսագետ, սոցիոլոգ, լրագրող և հեղափոխական սոցիալիստ էր, ում աշխատությունները նշանակալի դեր են ունեցել պատմության մեջ: Նրա գաղափարները մեծ ազդեցություն են թողել համաշխարհային քաղաքականության ու ինտելեկտուալ մտքի վրա: Լուսավոր գաղափարներով այս մարդը ծնվել է Պրուսիայում, սակայն 1844թ.-ին նա ստիպված էր մեկնել Փարիզ, այնուհետև տեղափոխվել Բրյուսել, որտեղ նա ներկայացրեց խոսքի ազատության իր գաղափարները, որոնց ունկնդիր եղան միլիոնավոր մարդիկ: Կառլն իր կյանքի տարիների մեծ մասն անց է կացրել Լոնդոնում, որտեղ էլ մահացել է որպես փախստական:

Ջեկի Չան

Իր ակրոբատիկ ոճով, կոմիկական կերպարներով, կրեատիվ հնարքներով հայտնի Ջեկի Չանը հոնգկոնգցի աստղ է, ով նշանակալի ազդեցություն է թողել Հոլիվուդի վրա: Տաղանդավոր դերասանը ծնվել է Չինաստանում, սակայն շուտով տեղափոխվել է Ավստրալիա իր ծնողների հետ՝ որպես պատերազմի փախստականներ՝ փախչելով չինական քաղաքացիական պատերազմից: Նա սկսեց իր կարիերան որպես կասկադյոր, սակայն շուտով դարձավ հոլիվուդյան աշխարհահռչակ դերասան:

Ալբերտ Էյնշտեյն

Ալբերտ Էյնշտեյնը ծնվել է Գերմանիայում, սակայն որպես հրեա-գերմանացի՝ նրա կյանքի առաջին տարիները բավականին ծանր էին: Նրան մեղադրում էին դասալքության մեջ, որովհետև նա հրեա էր, և նացիստական կուսակցության վերելքի տարիներին նրա աշխատանքներն ատում էին այն աստիճան, որ Հիտլերի հետևորդներն այրում էին նրա գրքերը: Նա փախուստի դիմեց հայրենիքից, սակայն թույլ չտվեց՝ ծանր իրավիճակը կանգնեցնի իրեն՝ դառնալու մարդկության պատմության մեծագույն գիտնականներից մեկը:

Դալայ Լամա

Դալայ Լաման համեստ ծագում ունի և ծնվել է 1933թ.-ին մի ընտանիքում, որն իր ապրուստի միջոցները հիմնականում հողի մշակումից էր վաստակում: Նա ընդամենը 24 տարեկան էր, երբ հեղաշրջումից հետո Տիբեթից արտաքսվեց և ապաստան գտավ Հնդկաստանում: 1940թ.-ին նա «պաշտոնապես նշանակվեց» Տիբեթի հոգևոր առաջնորդ՝ դրանից ի վեր նշանակալի ազդեցություն թողնելով միլիոնավոր մարդկանց վրա:

Բոբ Մարլի

Բոբ Մարլին սիրիական ու հրեական արմատներ ունի: Նա լեգենդար արտիստ դարձավ՝ թողարկելով այնպիսի ալբոմներ, ինչպիսին, օրինակ, «Exodus»-ն է, որի շնորհիվ նա հավերժ կենդանի կմնա սերունդների համար: Նա ընդունում էր իր համեստ ծագումն ու պայքարում Ջամայկայի քաոսային երաժշտական ինդուստրիայում, որտեղ նա հսկայական ներդրում ունեցավ՝ իր ստեղծագործություններով ազդեցություն թողնելով ողջ աշխարհում:

Վիկտոր Հյուգո

Վիկտոր Հյուգոն ֆրանսիացի պոետ, վիպասան ու դրամատուրգ էր: «Թշվառների» հեղինակ աշխարհահռչակ գրողը նաև քաղաքական ակտիվիստ էր: Նա ընդվզում էր Նապոլեոն 3-րդի բռնատիրական կառավարության դեմ 19-րդ դարի կեսին, որի պատճառով նա Ֆրանսիայից աքսորվեց՝ իր կյանքի մեծ մասն անցկացնելով Անգլիական նեղուցում գտնվող Գերնսի շրջանում:

Ֆրեդի Մերկուրի

Ֆրեդին, ում իսկական անունը Ֆարուխ Բուլսարա է, ծնվել է 1946թ.-ին հնդիկ և պարսիկ զույգի ընտանիքում, աֆրիկյան Զանզիբար կղզում: Նա բրիտանացի երգիչ, երգահան և պրոդյուսեր էր, հայտնի էր որպես «Քուին» ռոք խմբի մեներգիչ: Նրա ընտանիքը փախուստի էր դիմել կղզուց 1964թ.-ին այստեղ բռնկված դաժան հեղափոխության պատճառով՝ տեղափոխվելով Լոնդոն, որտեղ էլ Մերկուրին հանդիպեց իր ապագա խմբի ընկերներին: