Այս խմորով ես պատրաստում եմ կարկանդակներ, բուլկիներ, պիրոգներ, պիցցա և այլ թխվածքներ. Այն իսկական հայտնագործություն է

Այն պատրաստելու համար ձեզանից կպահանջվի 5 րոպե: Կարող եք պահպանել սառնարանում 2-3 օր:

Խմորը շուտ չի թթվում, այնպես որ կարող եք սառեցնել:

Այս խմորից ես պատրաստում եմ  կարկանդակներ, բուլկիներ, պիրոգներ տարբեր լցոններով, պիցցա, բլիթներ, բելյաշ և այլն:

Եթե դուք խմորից «վախենում եք», ապա փորձեք այս բաղադրատոմսը, այն հաստատ կստացվի  նաև ձեզ մոտ:

Բաղադրիչներ

• Կաթ — 500 մլ
• Ցորենի ալյուր — 5 բաժակ
• Շաքարավազ — 2ճ/գ
• Աղ — 0,5 թ/գ— 0,5 թ/գ
• Արևածաղկի ձեթ— 2ճ/գ
• Թթխմոր (չոր) — 11 գր.

Պատրաստումը

Ամանի մեջ լցրեք 4 բաժակ ալյուրն ու թթխմորը և խառնեք:

Ապա դանդաղ լցրեեք տաք կաթը, ավելացրեք շաքարավազը, աղը, արևածաղկի ձեթը: Խառնեք բոլոր բաղադրիչները:

Այնուհետև դանդաղ լցրեք ևս մեկ բաժակ ալյուր և խառնեք: Խմորը ծածկեք պոլիէթիլենային տոպրակով և դրեք սառնարան:

2 ժամ անց կարող եք պատրաստել՝ ինչ ցանկանաք: Ավելին թողնել խորհուրդ չի տրվում:

Սառնարանում պահելու դեպքում էլ նախապես պետք է այն հանեք, որպեսզի «հետ գա»:

Քաղցրեղեն պատրաստելու դեպքում կարող եք շաքարավազը մի փոքր ավելի լցնել:

Բարի ախորժակ: