Մի ընկերությունում նոր տնօրեն նշանակեցին: Նա ցանկանում էր խիստ կարգապահություն սահմանել և առաջին հերթին որոշեց ազատվել թերի աշխատողներից: Հենց առաջին օրը նա միջանցքում տեսավ մի երիտասարդի, ով պատին հենված ատամներն էր քչփորում:
Միջանցքում կային նաև այլ աշխատակիցներ և տնօրենը որոշեց մյուսների աչքը վախեցնելու համար ցուցադրաբար աշխատանքից հեռացնել այդ երիտասարդին: Նա մոտեցավ երիտասարդին և շատ խիստ ու բարձրաձայն, որ մյուսների համար ևս լսելի լիներ, հարցրեց.
— Որքա՞ն ես վաստակում մեկ շաբաթվա ընթացքում:
Երիտասարդը զարմացած նայեց տնօրենին և պատասխանեց.
— Չորս հարյուր դոլար:
— Սպասիր, ես հիմա կգամ, — ասաց տնօրենն ու մի քանի րոպեից վերադարձավ, երիտասարդին մեկնեց 1600 դոլար և ասաց.
— Ահա քո մեկ ամսվա աշխատավարձը, և հեռացիր, այլևս այստեղ չվերադառնաս:
Երիտասարդը վերցրեց գումարը և արագ հեռացավ:
— Ինչ որ մեկը կասի ինձ ով էր այդ երիտասարդը:
— Իհարկե, նա պիցայի առաքիչն էր, սպասում էր, որ նրան վարձատրեն, — շփոթված պատասխանեց աշխատակիցներից մեկը:
