Ռազմիկ Ամյանն ու Վիկա Մարտիրոսյանը «Ֆուլ հաուս»-ի շրջանակներում ցույց կտան իրենց դերասանական հմտությունները

Life.panorama.am-ը գրում է.

Օրեր առաջ պարուհի, «Ամարաս» պարային խմբի գեղարվեստական ղեկավաև Վիկա Մարտիրոսյանը իր սոցիալական էջերում «Ֆուլ հաուս» սիթոքմի տաղավարից լուսանկար էր հրապարակել՝ մակագրելով «Շուտով»: Լուսանկարում ինչպես «Ֆուլ հաուս»-ի դերասաններն էին, այնպես էլ Ռազմիկ Ամյանը եւ Վիկա Մարտիրոսյանը դստեր՝ Նանուլի հետ: Life.panora.am-ը փորձեց պարզել, թե «Ֆուլ հաուս»-ը, Վիկա Մարտիրոսյանն ու Ռազմիկ Ամյանը ի՞նչ անակնկալ են պատրաստում իրենց երկրպագուների համար.

«Իհարկե, փակագծեր շատ բաց չեմ անի, բայց հպանցիկ կակնարկեմ՝ ես եւ Ռազմիկ Ամյանը «Ֆուլա հաուսում» փորձել ենք ցույց տալ մեր դերասանական հմտությունները, այսինքն փոքրիկ դեր ունենք, որը եթրում կլինի դեկտեմբեր ամսին: Մեր դրվագները կապված են Տամարայի եւ Մուշեղի կերպարների հետ»,- պատմեց Վիկա Մարտիրոսյանը եւ հարցին, թե փոքրիկ Նանուլը եւս խաղացե՞լ է սիթքոմում՝ պարուհին պատասխանեց. «Ոչ, Նանուլը պարզապես շատ-շատ է սիրում «Ֆուլ հաուս»-ի դերակատարներին, ովքեր իմ ընկերներն են, ուստի որոշեցինք, որ նա ուղղակի կգա ինձ հետ նկարահանման եւ կլուսանկարվի իր սիրելի հերոսների հետ»:

Հետաքրքրվելով, թե իր եւ Ռազմիկ Ամյանի համար դժվարություններ չե՞ն եղել արդյոք կերպարները կերտելիս, Վիկա Մարտիրոսյնաը պատասխանեց. «Ոչ մի դժվարություն չեղավ, ամեն բան շատ հեշտ եւ հարթ անցավ, քանի որ մենք ինքներս արտիստներ ենք, ունենք նույն դերասանական կրթությունը, այնպես որ, դժվարություններ չեղան»:

Զրույցի ընթացքում մեր այն նկատառմանը, թե ե՞րբ է նախատեսվում «Ամարաս» պարային խմբի խոստացված տեսահոլովակը՝ պարուհին պատմեց. «Այս պահին զբաղված ենք մեր մենահամերգի մոնտաժային աշխատանքներով, որը Ամանորին կցուցադրվի «Արմենիա TV»-ով, իսկ տեսահոլովակը կլինի 2016-ի սկզբին»:

Հեղինակ՝ Անուշիկ Մելքոնյան