Հրապարակվել է այն երկրների ցանկը, որոնք թռիչքների համար վտանգ են ներկայացնում. ներառված է նաեւ Ադրբեջանը

Ռուսական ավիաընկերությունները ստացել են այն երկրների ցուցակը, որոնց վրայով թռչելիս խորհուրդ է տրվում անվտանգության հատուկ կանոնների հետեւել:  Այդ մասին տեղեկացնում է «Ինտերֆաքսը»` վկայակոչելով ընկերություններից մեկի աղբյուրին:  

Հանձնարարականներում ասվում է, որ անհրաժեշտ է ավիացիոն անվտանգության լրացուցիչ կաննոնների հետեւել հետեւյալ երկրների օդանավականներ թռչելիս եւ այնտեղից վերադառնալիս. ԱՄԷ, ԱՄՆ,  Ավստրիա, Ալժիր, Ալբանիա, Ադրբեջան, Աֆղանստան, Բանգլադեշ, Բուլղարիա, Մեծ Բրիտանիա, Գերմանիա, Եգիպտոս, Թաիլանդ, Թունիս, Թուրքիա, Թուրքմենստան, Ինդոնեզիա, Իսպանիա, Իտալիա, Իրան, Լիբանան, Լիբիա, Կիպրոս, Հնդկաստան,  Հունաստան,  Ղազախստան, Ղրղզստան, Քուվեյթ, Լիբիա, Մալազիա, Մակեդոնիա, Մարոկկո, Մյանմա, Շրի-Լանկա, Չեռնոգորիա,  Պակիստան, Պորտուգալիա, Ռումինիա, Սաուդյան Արաբիա, Սիրիա,  Սուդան,  Տաջիկստան,   Ուզբեկստան, Ֆիլիպիններ  եւ Ֆրանսիա: 

Նա տեղեկացրել է, որ բեռնափոխադրողներին խորհուրդ են տվել խուսափել ջրի ու չոր սննդի պաշարները այդ երկրների օդանավակայաններում լրացնելուց, փոխարենը այդ պահուստներն անհրաժեշտ է լրացնել ռուսական օդանավակայաններում: 

Խորհուրդ է տրվում նաեւ հնարավորության դեպքում օդանավերի տեխսպասարկումը կազմակերպել սեփական տեխնիկական անձնակազմերի ուժերով` թռիչքների անվտանգությանը չվնասելով` առավելագույնս կրճատել վերոհիշյալ օդանավակայաններում վերերկրյա սպասարկման տեսակների թիվը:  

Անձնակազմերին խորհուրդ է տրվում հետեւել, թե արտասահմանյան օդանավակայանների աշխատակիցներն ինչպես են սպասարկում օդանավերը եւ ստուգում ուղեւորների վայրէջքը: