2050 թվականին նավթագազային ընկերությունները կարող են կորցնել արժեքի 95 տոկոսը

Ներկայումս նավթի եւ գազի վրա միլիարդներ աշխատող ընկերությունները, ինչպիսիք են Shell-ը, BP-ը եւ Exxon-ը, 2050 թվականին կարող են կորցնել արժեքի 95 տոկոսը, եթե ամբողջ աշխարհում կառավարությունները ջանքեր գործադրեն Կլիմայի մասին փարիզյան համաձայնագիրը կատարելու ուղղությամբ: Այն կանխատեսում է մոլորակի ջերմաստիճանի բարձրացումը առավելագույնը 2 աստիճանով ըստ Ցելսիուսի՝ ի տարբերություն նախաինդուստրիալ ժամանակաշրջանի: Այդպիսին է Mercer ընկերության վերլուծաբանների եզրակացությունը, որն անցկացրել է տնտեսության տարբեր ճյուղերի վրա տաքացման եւ դրա դեմ պայքարի ազդեցության առաջին խորքային հետազոտություններից մեկը: Փորձագետները գնահատում էին ներգործությունը երկարաժամկետ եկամտաբերության տեսանկյունից, հաղորդում է Hightech+-ը:

Փորձագետները վերլուծել են մի քանի սցենարներ, որոնք կապված են գլոբալ տաքացման հակազդման հետ:

Սակայն փորձագետները սեւեռել են ուշադրությունն առ այն, որ ներդրումներն արվում են ոչ միայն բաժնետոմսերի մեջ: Պարտատոմսերը, սեփականությունն ու ենթակառուցվածքային ծրագրերը հաշվի առնելով՝ շուկաների համար ազդեցությունը դրական կլինի՝ 0.1-0.3 տոկոս աճ տարեկան:

Օրինակ՝ կլիմայական համաձայնագրի պահանջները կատարելու համար ագրեսիվ գործողությունների սցենարը նախատեսում է 2050 թվականին նավթի պահանջարկի կրճատում երեք անգամ եւ ածուխից ամբողջական հրաժարում: Վաճառվող մեքենաների կեսը կլինեն էլեկտրական հիմքով, իսկ նավթը կփոխարինվի ԷՎԱ-ով եւ շրջակա միջավայրի համար ավելի մեղմ բնական գազի 20-տոկոսանոց աճով:

Այդ կանխատեսման համաձայն՝ 2030 թվականին նավթային եւ գազային ընկերությունների բաժնետոմսերը կէժանանան 42 տոկոսով, իսկ 2050 թվականին կկորցնեն արժեքի 95 տոկոսը: Ընդ որում՝ վերականգնվող էներգիայի ոլորտում ներդրումները կաճեն 178 տոկոսով:

Սցենարում, երբ կառավարությունները կհրաժարվեն հակազդել տաքացմանը, հաղթողներ չկան, ընդգծում են փորձագետները: «3-4 աստիճանով տաքացման սցենարի դեպքում բոլոր ոլորտները, բացի ԷՎԱ-ից, պարտվում են ընդհուպ մինչեւ 2010 թվականը՝ 0.1-7.7 տոկոսով տարեկան»,-ասվում է հետազոտության մեջ: