Հավի սրտիկները շատ օգտակար մթերք են, չնայած որ շատ տնտեսուհիներ անտեսում են դրանք, բայց իզուր: Բացի այն, որ դրանք շատ օգտակար են , դրանցից կարելի է շատ համեղ ուտեստներ պատրաստել:
Բաղադրիչներ
Հավի սրտիկներ 1 կգ
Սխտոր 4 ատամիկ
Համեմունք մսի համար ըստ ցանկության 1 թեյի գդալ
Ձու 4 հատ
Ալյուր կամ պաքսիմատ
Աղ ըստ ճաշակի
Բուսայուղ տապակելու համար
Պատրաստման եղանակը
Հավի սրտիկների վրա սառը ջուր լցնել և թողնել 1 ժամ սառը տեղում, որպեսզի լիովին մաքրվի արյունից:
Այնուհետև լավ լվանալ հոսող ջրի տակ, հեռացնել վերին խողովաները, անոթները: Յուրաքնաչյուր սրտիկի մեջ կտրվածք անել, բայց չկիսել: Թեթևակի թակել միս ծեծելու թակիչով:
Սխտորը մանրացնել և խառնել համեմունքիի, աղի հետ և համեմել սրտիկները:
Ձուն հարել քիչ քանակությամբ ջրով և համեմել աղով:
Թակված սրտիկները թաթախել ալյուրի մեջ, այնուհետև ձվի և կրկին ալյուրի կամ պաքսիմատի մեջ: Տապակել բուսայուղով 0,5 – 1 րոպե յուրաքանաչուր կողմից: Ավելի երկար տապակելու դեպքում սրտիկներն ավելի պինդ կստացվեն:
Բարի ախորժակ
