Բնական ըմպելիք, որը կօգնի լավացնել արյան շրջանառությունը, մաքրել արյունն ու անոթները

Բազմաթիվ գործոնների ազդեցությամբ արյան շրջանառությունը կարող է վատանալ, ինչը հանգեցնում է մի շարք խնդիրների: Budetezdorovy.ru-ի հաղորդմամբ՝ այս բնական միջոցները կօգնեն լավացնել արյան շրջանառությունը:

Ելակով և թուրինջով կոկտեյլ: Բաղադրիչները հարուստ են հակաօքսիդանտներով, որոնք օգնում են լավացնել արյան շրջանառությունը: Դրանք հարուստ են նաև A, C վիտամիններով և հանքանյութերով:

Բաղադրիչներ

• 2 թուրինջի հյութ
• 6 ելակ
• 1 ճաշի գդալ մեղր՝ 25 գրամ
• կես բաժակ ջուր՝ 100 մլ:

Բոլոր բաղադրիչները խառնեք բլենդերում: Կոկտեյլն օգտագործեք նոր պատրաստված վիճակում՝ շաբաթվա ընթացքում նվազագույնը 3 անգամ:

Բազուկի հյութ: Բազուկը նյութեր է պարունակում, որոնք օգնում են օրգանիզմից դուրս բերել նյութափոխանակության արգասիքները: Վիտամիններն ու հանքանյութերը հնարավորություն են տալիս վերականգնել արյան շրջանառությունը:

Բաղադրիչներ

• 3 միջին բազուկ
• կես բաժակ ջուր՝ 100 մլ:

Բազուկի հյութը խառնեք ջրի հետ, խմեք: Օգտագործեք թարմ վիճակում՝ օրվա ընթացքում երկու անգամ:

Իմբիրով թուրմ: Իմբիրը հակաբորբոքային ազդեցություն ունի, կարող է նպաստել արյան շրջանառության լավացմանը:

Բաղադրիչներ

• 200 մլ ջուր
• 10 գրամ իմբիր
• 1 ճաշի գդալ մեղր:

Իմբիրի վրա եռացրած ջուր լցրեք: 10-15 րոպե անց ավելացրեք մեղրը, խմեք:

Վարունգ և նեխուրի հյութ: Այս հյութը կօգնի դուրս բերել տոքսինները, պայքարել բորբոքման դեմ, նվազեցնել արյան շրջանառության հետ կապված խնդիրների առաջացման հավանականությունը:

Բաղադրիչներ

• 2 վարունգ
• 1 ճյուղ նեխուր
• 1 բաժակ ջուր՝ 200 մլ:

Վարունգը կտրատեք, հարեք մյուս բաղադրիչների հետ: Օգտագործեք օրվա ընթացքում երկու անգամ: